KASAPENG SA PAAWING

PAPARANGAYAN O MUSLIM

PAPARANGAYAN A KASAPNG SA PAAWING

MIYAPANOTHOL A MATAAN A MATAAN A SI UQBAH (RA) NA ADN A SESECRETARY NIYAN NA AYA KAADNA O MGA SIRINGAN A GIYANGKAOTO A SECRETARY NIYAN NA MGA TALAINOM SA PAKAB'RG NA PITHARO A SECRETARY OTO KI UQBAH: MATAAN A ADN AMGA SIRINGAN A KN A MGA TALAINOM SA PAKABRG NA PHAKITOKAWAN AKN ININ SA PULIS KA ANIYAN SIRAN MADAKP, NA YA PITHAROON I UQBAH NA DINGKA ANAN PNGOLAOLAA NA SAPARINGKA SIRAN BADN, NA AYA PITHARO PMAN O SECRETARY NA KIYASAPARAN AKN SIRANDN MAN NA DAERAN DN G'N'KI, NA THWAG AKODN SA PULIS KA ANIYAN SIRAN MADAKP, KA GIYANANA I PIRMIRO A SIKSA IRAN, NA AYA PITHAROON I UQBAH: DI AKI DINGKA ANAN PNGGOLAOLAA KA MATAAN A MIYAN'G AKN SO RASULOLLAH "saw" A DIINIYAN THAROON: SA TAW A MAKA ILAY SA PAAWING NA SAPNGAN IYAN NA AYABALAS IYAN NA DATAR OBA MIYAKA OYAG SA WATA. (MIYAPANOTHOL I ABU DAOD).

DIIPN MAPANOTHOL A MATAAN A SI OMAR "RA" NA MOONTOD A PD IYAN SO MGA BOLAYUKA IYAN NA PD KIRAN SI JARER BNI ABDULLAH "RA" NA KAYKO MOONTOD SERAN NA ADN A MIYAKATOT KIRAN, NA KHABAAYAN I OMAR A SOGOON IYAN MAGABDAS A MIAYAKA TOT OTO NA PITHARO I JARIR KI OMAR: HAY DATO O MGA MO'MIN BA PHAGABDAS TANO LANGON?? NA MIYABABAYA SI OAMAR SA PAMIKIRAN OTO I JARIR NA PITHARO IYANON: DAKA PAGONAAN A MAPYA A DATO KO MASA O JAHILIYYA, NA GO DAKAPMAN A  MAPYA ADATO KO KIYATAGOO KA KO ISLAM.

الستر هو إخفاء ما يظهر من زلات الناس وعيوبهم.

ستر الله لعباده:
الله -سبحانه- سِتِّير يحب الستر، ويستر عباده في الدنيا والآخرة. قال رسول الله صلى الله عليه وسلم: (يدنو أحدكم من ربه، فيقول: أعملتَ كذا وكذا؟ فيقول: نعم. ويقول: عملت كذا وكذا؟ فيقول: نعم. فيقرره، ثم يقول: إني سترتُ عليك في الدنيا، وأنا أغفرها لك اليوم) [البخاري].
وقال صلى الله عليه وسلم: (إنَّ الله -عز وجل- حَيِي ستِّير، يحب الحياء والستر) [أبوداود والنسائي وأحمد].

AYA PTHAROON A KASAPNG: NA SO KASAPNGI KO MGA KAITOAN O MGA TAW GOSO MGA PAAWING IRAN.

SO KASASAPNGI O ALLAH KO MGA PAAWING O ORIPN IYAN:


SO ALLAH A MIYASOTISOTI NA NA P'PNAP'NG SA PAAWING NA PKHABABAYAAN IYAN MAMBO SO KAPANAPNG SA PAAWENGH.


PITHAROO O RASOLOLLAH "saw" PHKARANI SO ISARKANO KO TUHAN IYAN NA PTHAROONON O ALLAH: INO BANGKA AYA PINGGALBK? NA THAROON A OREPN OTO A : OWAY. MA THAROON IYAN PMAN: INO BANGKA AYA PINGGALBK?? THAROON IYAN MAMBO A OWAY. NA ORIYANIYAN NA THAROON O ALLAH: MATAAN A SAKN AN SIYAPNGAN AKN RKA ININ SA DONYA NA IPRILA AKN RKA PMAN IMANTO A GAWII. MIYAPANOTHOL I BUKHARY

GO PITHAROO O RASOLOLLAH: MATAAN A SO ALLAH A NA ADN A KAYA IYAN A P'PHANAP'NG SA PAAWING, NA PKHABABAYAAN IYAN MAMBO SO KAYA GOSO KAPANAPNG SA PAAWING. MIYAPANOTHOL I ABU DAOD GOSI ANNASAI GOSI AHMAD

PIMBARANGAN A KASAPNG SA PAAWING:

1- SO KASAPNGI O TAW KO PAAWING IYAN (SO AWRAT IYAN).


PITHARO O RASOLOLLAH : 
(احفظ عورتك إلا من زوجك أو ما ملكت يمينك).
MAANA: SAPNGINGKA SO AWRAT KA INONTABO NA SII KO KAROMANGKA GOSO TAGIKORKA A OREPN KA.

2- SO KASAPNG O TAW KO MGA SIKRITO O KAROMANIYAN

MIAYA ALOY SA HADITH: A MATAAN A AYA PINAKA MARATA I PANGKATAN SA ALONGAN A MAORE NA SO TAW A DINIYAN DEETHAROON SO SIKRETO NIYAN KI KAROMANIYAN A BABAY NA SO MAMBO SO BABAY NA DEENIYANON THAROON SO SIKRETO NIYAN NA AMAY KO MAPITA NA P'PHAMAKALANGKAPN IYAN SO  SIKRETO I KAROMANIYAN.

3- SO KASAPNGI KO KAPANADKA MAANA SHIKRITON

4- SO KASAPNGI KO MGA TAGINPN A MARATA

5- SO KASAPNGI KO MGA PLANO A MARATA A MIYAPAMIKIR O TAW A SIIBO SA GINAWA NIYAN NA DANIYAN MANGGALBK SABAP KO KIYATANODAN IYAN A MARATA OTO.

MGA SARAT O KASAPNG O MUSLIM KO PAAWING OPAGARINIYAN A MUSLIM

1- SAPNGAN O MUSLIM SO PAAWING O MUSLIM A DATAR IYAN KO MASA GOSO ORIYAN O KAPAKAPASAD IYAN NGGALBK SA MARATA.

2- MAADN A GIYANGKAOTO A PINGGALBK IYAN A MARATA NA SIIBO SA GINAWA NIYAN, KNABA PHAKA RARAGIT KO SALAKAWRON, NA AMAYPMAN KA PHAKA RARAD KO MGA TAW NA PATOT SO KADA IYAN

3- MAADN SO KASAPNGI KO PAAWING O TAW A MAPYAON SA PTAWBAT SKANIYANDN KO ALLAH NA AMAYPMAN KA BAONDN PHAKABINASA GO PHKA BIANSA SA LIYAWAW A LOPA NA PATOTO SO DIYUN KASAPNGI

4- SA DEBADN MAADN A SO KASAPNGI KO PAAWING IYAN SA KADADAGIYANDN

5- SA DI MARN O KASAPNGI KO PAAWING SO KASAKSI IGIRA A MIYABALOY A SAKSI

6- SO KASAPNG SA PAAWING NA KNABAON PD SO KASAPNGI KO PAAWING O DII MANALIMBOT KA OPOON KA SAPNGI NA MIYAKA OGOP KA KO KALALALONGAN IYAN A MARATA.

BALAS O KASAPNGI KO PAAWING O MUSLIM
" ومن ستر مسلما ستره الله يوم القيامة". (رواه البخاري ومسلم). 

HADITH: SA TAW A SAPNGAN IYAN SO PAAWING O PAGARI NIYAN A MUSLIM NA SAPNGAN AMAMBO O ALLAH SO PAAWING IYAN SA ALONGAN A MAURE. MIYAPANOTHOL I BUKHARY AGOSI MUSLIM

وروى عن النبي صلى الله عليه واله وسلم قال:
" لا يستر عبد عبدا في الدنيا ، إلا ستره الله يوم القيامة".

MIYAPANOYHOL A MIYAKAPOON KO NABI "SAW" A PITHARO IYAN: DADN KO KASAPNGI O ORIPN KO DATAR IYAN A OREPN INONTABO NA SAPNAGN MAMBO O ALLAH SO MGA PAAWING IYAN SA ALONGAN A MAURE

قال صلى الله عليه وسلم: (ومن ستر مسلمًا ستره الله في الدنيا والآخرة) [الترمذي].

SATAW A SAPNAGAN IYAN SO PAAWING O MUSLIM NA SAPNGAN MAMBO O ALLAH SO PAAWING IYAN SA DUNYA AKHIRAT

قال رسول الله صلى الله عليه وسلم: (لا يرى مؤمن من أخيه عورة فيسترها عليه، إلا أدخله الله بها الجنة) [الطبراني].

DADN KO KAYLAYA O MO'MIN KO PAAWING O PAGARINIYAN NA SAPNGANIYANON OTO INONTABO NA PAKASOLDN SKANIYAN O ALLAH SA SORGA.