OSAYAN O KAMBLAG

mga khasabapan sa kada-i sa bisa ko kawing, Maana: makaph'm'lag siran:-

1. Matay so isa kiran
2. Mbaloy a Kafer so isa kiran odi na langon siran
3. Tharo-on o Mama ko Bae a: Lagid kadn i Ina sa Likod, odi na lagid ka dn i Ina sa Bontal
4. Tharo-on o Mama ko Bae a: mimb'lag ta dn.

Jamsed Bahoddin

kaka aleem upama ka gyangkanan ahh ikapap na lalayon d mambasa ohh mama ko darodopa iyan tonay myasowa iyan? balasangka ohh allah kaka aleem..

Atah P. Ibrahim

Opama ka imanto na pimbasa niyanon na miyakamb'lag siran...

Na kiyasoyan yan...

na mapita p'man na pimbasa niyanon pman... na miyakam'blag siran pman.

na kiyasoyan yan pman...

na mapita pman na pimbasa niyanon pman... na miyakamb'lag siran pman...

na Haram d'n oba niyan mapangaroma p'n pharoman... basta a mira-ot sa makatlo makamb'lag so kharoma-i na Haram dn oba siran makambalinganowa taman sa di mapangaroma a salakaw a Mama so Bae na mimblag yan na mawto pn ka mapakay a kabalingan o andang a karoma niyan.

na opama pman ka sii ko makaisa siran marido na miyaka tlo niyan matharo a [ mimblag ta, mimblag ta, mimblag ta ] na adn a mga Ulama a aya tindg iran na miya Haram dn oba siran maka mbalinganowa ka miyaka tlo niyan matharo.

oga-id na aya correct a tindg na khi-itong anan sa matag miyaka isa... sabap sa isa a masa a kiyatharo-a niyanon.

igira a tiyalak o Mama so Bae sa paganay a pitharo iyanon a [ mimblag ta, odi na tiyalak akn ska, odi na awa ka ka diko ska dn karoma, odi na balingka ko mga loks ka ] na makatlo ma haydh so Bae a idda iyan, maana : sii sa angkanan a sold a maka tlo ma Haydh na khapakay a kasoyan o mama so bae, na mapasad so tlo na did'n khapakay oba niyan ksowi inonta bo na khakawing siran pharoman go phaka songgod pharoman.

na so pman so di kha Haydh a Bae ka tiyaph'kan odi na so mga Bae a Abnormal so Haydh iran goso Bae a dapn mara-ot a akir balig na aya idda iran na Tlo olan.

na so Mawgat na aya idda niyan na makambawata.

gyanan i Osayanon o Allah sa Qur-an...

Pitharo o Allah sa Qur-an, Soratol Baqarah [ و المطلقات يتربصن بأنفسهن ثلاثة قروء ]

go Pitharo iyan p'n [ الطلاق مرتان ... الخ ] taman ko katharo iyan a [ فإن طلقها فلا تحل له من بعد حتى تنكح زوجا غيره ]

go Pitharo iyan sa Sorato Attalaq [ و اللآئي يئسن من المحيض من نسائكم إن ارتبتم فعدتهن ثلاثة أشهر و اللآئي لم يحضن ، و أولات الأحمال أجلهن أن يضعن حملهن ]

na mira-ot ikatlo a kapaka mb'lagiran na Haram dn oba niyan mapangaroma... Wallahu A'lam.