TELO A ONAYAN O ISLAM

1
KINGDOM OF SAUDI ARABIA
MINISTRY OF HIGHER EDUCATION
ISLAMIC UNIVERSITY OF MADINAH
DEAN OF RESEARCH
TRANSLATION DIVISION
 SO TELO A MANGA ONAYAN
O ISLAM
Inisoarat o malai katao a si :
IMAM SHAIKH MOHAMMAD
BIN ABDUL WAHHAB
(Inikalimo sekaniyan o ALLAH)
Initogalin sa Basa Meranao i:
ZAINAL ABIDEN MOHAMMAD
ABDUL AZIZ


SII SA INGARAN O ALLAH A LEBI A MASALINGGAGAO
AGO LEBI A MAKALIMOON
KENALANGKA –INIKALIMOKA O ALLAH –
A SEKANIYAN A ALLAH NA INIPALIYOGAT IYAN
REKETANO SO KAKENALA KO PAT A MANGA
MAS’ALA:
1- SO ILMO, A SEKANIYAN SO
KAKENALA KO ALLAH, GO SO
KAKENALA KO NABINIYAN, GO SO
KAKENALA KO AGAMA ISLAM
ANGGOLALAN SA MGA DALIL, (SA
QUR’AN AGO SA HADITH).
2- SO KINGGOLALANENON.
3- SO KIPANAMPAYNON.
4- SO KAPHANTANGA KO MGA
RINGASA A MADADALEMON, AYA
DALIL SAN NA SO KATHARO O
ALLAH A MAPORO:
بسم الله الرحمن الرحيم، [و العصر، إن الإنسان لفي خسر،
إلا الذين آمنوا و عملوا الصالحات و تواصوا بالحق و
[ تواصوا بالصبر ] [سورة العصر: الآية ١،٢،٣
MA-ANA:
[SI-I SA INGARAN O ALLAH A LEBI A
MASALINGGAGAO AGO LEBI A MAKALIMO-ON, IBET
KO WAKTO A ASAR, MATAAN A SO MANOSIYA NA

MADADALEMDEN KO KALOGI, INON TABO SO
SIRANOTO A MIYAMARATIYAYA, GO
MINGGAGALEBEK SA MGA PIPIYA, GO
INIPAMAGOSIYATA IRAN SO BENAR, NA GO
INIPAMAGOSIYATA IRAN SO KAPHANTANG]
PITHARO O IMAM AL-SHAFI-I – INIKALIMO
SEKANIYAN O ALLAHO TAALA-: (ODA A INITORON O
ALLAH A MARAYAG A KARINA KO MANGA
KAADENIYAN INONTABO A GIYANGKAI A SORA NA
PHAKATAROTOP KIRANDEN)
PITHARO I BOKHARI –INIKALIMO SEKANIYAN O
ALLAHO TAALA-: (PINTO) : SO ILMO NA ONAAN O
KATHARO NA GO SO GALEBEK, GO AYA DALIL SAN
NA SO KATHARO O ALLAH A MAPORO:
[ [فاعلم أنه لا إله إلا الله و استغفر لذنبك] [سورة محمد:الآية ١٩
MA-ANA:
[KENALANGKA A MATAAN A
SEKANIYAN A ALLAH NA DA TOHAN A SHIMBAAN
INONTA BO SO ALLAH, NA GO PAMANGENI KA SA
RILA SABAP KO DOSANGKA]
SA MIYANARAGIPOON SA SO ILMO NA ONAAN
O KATHARO GO SO GALEBEK.
KENALANGKA –INIKALIMO KA O ALLAHMATAAN
A SEKANIYAN A ALLAH NA
INIPALIYOGATIYAN KO LANGOWA MOSLIM A DATO
AGO BAI SO KAPAGANADA SANGKAIYA MANGA
MAS’ALA A TELO NA GO SO KINGGOLALANENON.

1. MATAAN A SO ALLAH NA INADEN TANO
NIYAN, NAGO RINIZKIYAN TANO NIYAN, GO DA TANO
NIYAND DARAINONEN, OGAID NA SIYOGO IYAN REKI
TANO SO MANGA SOGO, SA SADEN SA TAO A
ONOTANIYAN SO SOGO NA PHAKA SOLED KO SORGA,
NAGO SADEN SA TAO A SOPAKENIYAN SO SOGO NA
PHAKASOLED KO NARAKA, AYA DALIL SAN NASO
KATHARO O ALLAH A MAPORO:
[إنا أرسلنا إليكم رسولا شاهدا عليكم كما أرسلنا إلى
فرعون رسولا، فعصى فرعون الرسول فأخذناه أخذا
[ وبيلا] سورة المزمل: الآية ١٥،١٧
MA-ANA:
[MATAAN A SEKAMI NA SIYOGO ANAMI
SEKANO SA SOGO A SAKSI REKANO, SA LAGID O
KIYAPAKI SOGO I AMI KO PIR-AWN SA SOGO NA
SIYANGKA O PIR-AWN SO SOGO NA SINIKSA AMI
SEKANIYAN SA SIKSA A MAILOT]
2. MATAAN A SO ALLAH NA DINIYAN
IKHASOAT SO KIPANAKOTONON SI-I KO MANGA
SIMBAWN SA ISA BO –MELAGID O MALAIKAT A
MARANI KO ALLAH ANTA KA NABI A SIYOGO ( NA
DISIRAN KHISAKOTO KO ALLAH A LEBI A MAPORO),
AYA DALIL SAN NA SO KATHARO O ALLAH A LEBI A
MAPORO:
[ [و أن المساجد لله فلا تدعوا مع الله أحدا] [سورة الجن: الآية ١٨
MA-ANA:
[MATAAN A SO MANGA MASJID NA REK
O ALLAH NA DIKANO PHANONGGANOY SA PED O
ALLAH A ISABO]

3. MATA-AN A SA TAO A ONOTANIYAN SO SOGO
NAGO PAKA ISA-ISA ANIYAN SO ALLAH NA DIRON
KHAPAKAY SO KAPAKHI THINABANGA IYAN KO TAO
A PESHOPAKENIYAN SO ALLAH AGO SO SIYOGO IYAN
BAPIYADEN I KARANI NIYANON,(KATONGANAYA
NIYANON), SA AYA DALIL SAN NA SO KATHARO O
ALLAH A MAPORO:
[ لا تجد قوما يؤمنون بالله و اليوم الآخر يوآدون من حاد الله و
رسوله و لو كانوا آباءهم أو أبناءهم أو إخوام أو عشيرم أولئك كتب
في قلوم الإيمان و أيدهم بروح منه، و يدخلهم جنات تجري من تحتها
الأار خالدين فيها، رضي الله عنهم و رضوا عنه، أولئك حزب الله، ألا
[ إن حزب الله هم المفلحون] سورة اادلة: الآية ٢٢
MA-ANA:
[DA A KHATOON KA A PAGTAO A
PAPARATIYAYA ANIRAN SO ALLAH AGO SO
ALONGAN A MAORI, A BAIRAN PEKHABABAYAI SO
TAO A SIYORANGIYAN SO ALLAH AGO SO SIYOGO
IYAN APIYAPEN SIRAN NA MANGA LOKES IRAN, ODI
NA MANGA WATA IRAN, ODI NA MGA PAGARI RAN,
ODI NA MANGA TONGANAY RAN, SIRAN MAN NA
PIYAKAMBEKEN O ALLA KO MANGA POSO IRAN SO
PARATIYAYA, NAGO INIBABIDIYAN KIRAN SO WAHI
(SABOT) A PHO-ON REKANIYAN, NA GO
PHAKASOLEDENIYAN SIRAN KO MANGA SORGA A
PEPHAMANGONDAS KO MANGA KABABA ANIYAN SO
MANGA LAWASAIG, A TATAP SIRAN KO SOLEDIYAN,
MIYASOAT KIRAN SO ALLAH GO MIYASOAT SIRAN
REKANIYAN, NA SIRAN MAN I TAMPIL KO ALLAH, NA
MATA-AN A SO TAMPIL O ALLAH NA SIRAN I
PHAMAKADAAG]

KENALANGKA –TORO ONGKA O ALLAH KO ONOT
REKA NIYAN-A MATAAN A SO HANIFIYYA A AGAMA
O IBRAHIM, NA SEKANIYAN SO KASIMBAA KO ALLAH
A ISA-ISA A BONAYON (IKHLAS) A REKIYAN SO
AGAMA, GO MISABAP RO-O NA AYA INISOGO O
ALLAH KO LANGOWAN O MANOSIYA NAGO AYA
NIYAN KIRAN KIYA ADENA NA SIMBA KO ALLAH,
LAGID O KIYA THARO WAON O ALLAH A MAPORO:
[ [و ما خلقت الجن و الإنس إلا ليعبدون] [سورة الذاريات: ٥٦
MA-ANA:
[NA GO DA A INI ADENAKEN KO MANGA
MANOSIYA AGO MANGA JIN INONTABO SA ANAKO
IRAN MASIMBA]
AYA MA-ANA A ANAKO IRAN MASIMBA NA :
ANAKO IRAN MAPAKA ISA-ISA, AGO AYA MALA A INI
SOGO SEKANIYAN O ALLAH NA SO KAPAKA ISA-ISAA
KO ALLAH, A SEKANIYAN SO KAPAKI BISA-AN KO
ALLAH KO SIMBA, GO AYA LEBI A MALA A INISAPAR
O ALLAH, SEKANIYAN NA SUKANIYAN SO
KAPANAKOTO, A SEKANIYAN SO KAPANONGGANOY
SA SALAKAO KO ALLAH, AYA DALIL SAN NA SO
KATHARO O ALLAH A LEBI A MAPORO:
[ [و اعبدوا الله ولا تشركوا به شيئا] [سورة النساء:الآية ٣٦
MA-ANA:
[GO SIMBA ANIYO SO ALLAH NA GO
BANIYO PANA KOTON SA MAITO BO].
NA AMAY KO THAROON REKA: ANTONA A SO
MANGA ONAYAN O AGAMA ISLAM A TELO A SO
INIPALIYOGAT O ALLAH KO MANOSIYA A KAKENALA
NIYANON? NA THARO ANGKA: 1) SEKANIYAN SO

KAKUNALA O ORIPEN KO KADENAN IYAN, 2) GO SO
AGAMA NIYAN, 3) GO SO NABI NIYAN A MOHAMMAD
e.
NA AMAY KO THAROON REKA: ANTAWA-A I
THOHAN KA?, NA THARO ANGKA A AYA THOHAN
AKEN NA SO SOMISIYAP RAKEN, NA GO SOMISIYAP
KO LANGOWAN O MANGA KA-ADEN SABAP KO LIMO
IYAN, AGO SEKANIYAN I PEZIMBA-ANAKEN, DA-A
PUZIMBA-ANAKEN A SALAKAO RON, AYA DALIL SAN
NA SO KATHARO O ALLAH A LEBI A MAPORO:
[ [الحمد لله رب العالمين] [سورة الفاتحة:الآية ٢
MA-ANA:
[S
O BANTOGAN NA REKO ALLAH A
THOHAN O LANGOWAN O KA-ADEN]
GO SO LANGOWAN A SALAKAO KO ALLAH NA
KA-ADEN, NA SAKEN NA ISAKO SANGKOTO A MANGA
KA-ADEN.
AMAY KA THARO-ON REKA: ANTONAI SABAP A
KIYA TOKAWINGKA KO TOHAN KA?, NA THARO
ANGKA: SABAP KO MANGA TANDA IYAN GO SO
MANGA KA-ADENIYAN, PED SA MANGA TANDA IYAN
NA SO KAGAGAWI-I GO SO KADAWNDAW, GO PED SA
MANGA KAADENIYAN NA SO PITO LAPIS A LANGIT
NAGO SO PITO LAPIS A LUPA NAGO SO MADADALEM
KIRAN, NAGO SO NGANIN A MADADALEM KO
PAGELETANIRAN, AYA DALIL SAN NA SO KATHARO O
ALLAH A LEBI A MAPORO:
[و من آياته الليل و النهار و الشمس و القمر، لا تسجدوا
للشمس و لا للقمر واسجدوا لله الذي خلقهن إن كنتم إياه
[ تعبدون] [سورة فصلت: الآية ٣٧

MA-ANA:
[GO PED KO MANGA TANDA IYAN SO
KAGAGAWII GOSO KADAWNDAW, GOSO ALONGAN
AGO OLAN, NA DIKANO SOJOD KO ALONGAN AGO SO
OLAN, NA SOJOD KANO KO ALLAH A SO INADENIYAN
SIRAN AMAY KA SEKANIYAN NA AYA NIYOBO
PEZIMBA-AN]
GO AYA PEN A DALIL SAN NA SO KATHARO O
ALLAH A MAPORO:
[إن ربكم الله الذي خلق السماوات و الأرض في ستة أيام
ثم استوى على العرش، يغشي الليل النهار يطلبه حثيثا،
والشمس و القمر و النجوم مسخرات بأمره،ألا له الخلق و
[ الأمر، تبارك الله رب العالمين] [سورة الأعراف: الآية ٥٤
MA-ANA:
[M
ATA-AN A AYA KADENAN IYO NA SO
ALLAH A SO MIYADEN KO MGA LANGIT GO SO LOPA
KO SOLED O MIYAKA NEM GAWI-I, ORIYAN IYAN NA
MIYANGIMPORO AN KO ARSH, IPESHAPENGIYAN SO
KAGAGAWI-I KO KADAWNDAW, GOSO ALONGAN
AGO SO OLAN AGO SO MANGA BITO-ON NA
PHAPASIYONOT KO ATORAN O ALLAH NAGO
SOGOANIYAN, TANODAN KA REKO ALLAH SO KIYA
PANGADEN GOSO SOGOWAN, SOTI SO ALLAH A
KHIREK KO MGA KA-ADEN] SO (ALLAH) I TOHAN
A SEKANIYAN SO PEZIMBA-AN, GO AYA DALIL SAN
NA SO KATHARO O ALLAH A MAPORO:
[يا أيها الناس اعبدوا ربكم الذي خلقكم و الذين من قبلكم لعلكم
تتقون، الذي جعل لكم الأرض فراشا و السماء بناء و أنزل من
السماء ماء فأخرج به من الثمرات رزقا لكم فلا تجعلوا لله أندادا
[ و أنتم تعلمون][سورة البقرة: الآيات ٢١،٢٢

MA-ANA:
[HAY! SO SIRANOTO A MANGA
MANOSIYA SIMBA A NIYO SO KADENANIYO A SO
MIYADEN REKANO, GO MIYADEN KO SIRAN A MIYA
ONA-ANIYO KA KALOKALO NA MAKA PANANGGILA
KANO, A SO BIYALOY NIYAN REKANO SO LOPA A
MAKAKAYAT, GO SO LANGIT A PIMBAGEBAGERAN,
NAGO PIYAKA TORONIYAN A PHOON KO LANGIT SO
IG, NA PIYAKAMBHOWATIYAN SABAP SANGKOTO A
IG SO SABAAD KO MANGA ONGA A PAMOMOLAN A
PAGEPER REKANO, NA DIKANO PAGADEN SA
SAKOTOWA O ALLAH A SEKANO NA KATAWAN IYO
(DA-ABANIYAN SAKOTOWA].
PITHARO I IBEN KATHIER –INIKALIMO
SEKANIYAN O ALLAHO TAALA-: SO MIYADEN
SANGKAI A MANGA SAI NA SEKANIYAN I KIYA
PATOTAN KO SIMBA.
GO AYA MANGA SOSONAN A SIMBA A SO INI
SOGO SEKANIYAN O ALLAH, NA LAGID O ISLAM, SO
PARATIYAYA, GOSO KAPHIYAPIYA, GO PEDON SO
KAPAMANGENI (DO-AH) GOSO KALEK (ALKHAWF),
NA GOSO KAPANGANGARAPAN (AR-RAJAH), GO SO
KASHARAKAN (ATTAWAKKOL), GOSO INAM KO
BALAS O ALLAH ( ARRAGBAH), NA GOSO KALEK KO
SIKSA O ALLAH ( ARRAHBAH), GOSO KALEK A RAKES
O KAPANGALIMBABAAN ( ALKHOSO), GOSO KALEK A
MASASARETA A KAWAN (ALKHASYA), GOSO
KAPAMANGENI SA RILA (AL INABAH) SABAP KO
MANGA DOSA, GOSO KAPAMANGENI SA TABANG (AL
ISTIANAH), GOSO KALINDONG (AL ISTIA ZAH), GOSO
KAPAMANGENI SA TABANG PANTAG KO RIDOAY (AL
ISTIGA THA), GOSO KASOMBALI (ADDHABH), GOSO
KASHAMAYA ( ANNAZR), GOSO SALAKAO SAN A PED

SA MANGA SIMBA A SO INISOGO O ALLAH
SEKANIYAN LANGON A PARABO KO ALLAH, AYA
DALIL SAN A SO KATHARO O ALLAH A MAPORO:
[ [و أن المساجد لله فلا تدعوا مع الله أحدا] [سورة الجن: الآية ١٨
MA-ANA:
[M
ATAAN A SO MANGA MASJID NA REK
O ALLAH NA DIKANO PHANONGGANOY SA SALAKAO
KO ALLAH SA ISA BO] GO SADEN SA ISANGOR
IYAN (ISHOASOATIYAN) SO ISABO SANGKANAN A
MANGA SIMBA SII KO SALAKAO KO ALLAH NA
MUSRIK (TANAKOTO) A KAFIR.
AYA DALIL SAN NA SO KATHARO O ALLAH A
MAPORO:
[ ومن يدع مع الله إلها آخرلا برهان له به فإنما حسابه عند
[ ربه إنه لا يفلح الكافرين] [سورة المؤمنون الآية ١١٧
MA-ANA:
[S
ADEN SA MANONGGANOY SA
IRIMBANGIYAN KO ALLAH SA TOHAN A SALAKAO A
DA A KARINA NIYANON NA MATAAN A SO
IMBADALON (KO NGANIN A PINGGALEBEKIYAN) NA
SII DEN KO KADENANIYAN, MATAAN A DI PHAKA
DAAG SO MIYA MANGONGKIR]
GO AYA DALIL SA HADITH NA SO KATHARO O
RASULOLLAH e :
[الدعاء مخ العبادة]
MA-ANA:
[S
O KAPAMANGENI (KO ALLAH) NA AYA
OTEK O SIMBA]

AYA DALIL SAN NA SO KATHARO O ALLAH A
MAPORO:
[و قال ربكم ادعواني أستجب لكم، إن الذين يستكبرون عن
[ عبادتي سيدخلون جهنم داخرين] [سورة غافر: الآية ٦٠
MA-ANA:
[GO PITHARO O KADENAN IYO:
PAMANGENI KANO RAKEN KA TARIMA ANGKO
REKANO, MATAAN A SO SIRANOTO A
IPHEPHANAKABOR IRAN SO SIMBA RAKEN NA
SIGORADO A PHAKASOLEDEN SIRAN KO NARAKA
JAHANNAM A MAKADADAPANAS SIRAN].
GO AYA DALIL KO KALEK NA PED SA SIMBA NA
SO KATHARO O ALLAH A MAPORO:
[ [فلا تخافوهم و خافون إن كنتم مؤمنين] [سورة آل عمران: الآية ١٧٥
MA-ANA:
[NA DINIYO SIRAN KHALEKEN, GO
SAKEN I KALEKENIYO AMAY KA SEKANO NA
KHIPAPARATIYAYA KANO]
GO AYA DALIL KO KAPANGANGARAPAN SA
PED KO SIMBA NA SO KATHARO O ALLAH A MAPORO:
[فمن كان يرجو لقاء ربه فليعمل عملا صالحا ولا يشرك
[ بعبادة ربه أحدا] [سورة الكهف: الآية ١١٠
MA-ANA:
[GO SA TAO A AARAPENIYAN A
KIMBARATEMOWA ANIYAN KO KADENAN IYAN
NANGGALEBEK SA GALEBEK A MAPIYA GO OBA
PANAKOTO KO SIMBA NIYAN KO KADENAN IYAN SA
ISA BO].

GO AYA DALIL KO KASHARAKAN KO ALLAH
NA SO KATHARO O ALLAH A MAPORO:
[ [و على الله فتوكلوا إن كنتم مؤمنين] [سورة المائدة: ٢٣
MA-ANA:
[GO SI-I KANO KO ALLAH SHARAKAN
AMAY KO SEKANO NA MAPAPARATIYAYA KANO].
GOSO KATHARO IYAN:
[ [و من يتوكل على الله فهو حسبه] [سورة الطلاق: الآية ٣
MA-ANA:
[GO SADEN SA TAO A SHARAKAN KO ALLAH
NA PAGANGKOSAN IYAN].
GO AYA DALIL KO INAM KO BALAS GOSO
KALEK KO SIKESA NASO KATHARO O ALLAH A
MAPORO:
[إنهم يسارعون في الخيرات و يدعوننا رغبا و رهبا و
[ كانوا لنا خاشعين] [سورة الأنبياء: الآية ٩٠
MA-ANA:
[M
ATAAN A AYA BETADIRAN A MIYA
MARATIYAYA NA DI SIRAN DI MAGORADORAD KO
MANGA PIPIYA GO PHAMANGENI SIRAN REKAMI SA
KABABAYA KO BALAS (KO SORGA) NAGO KALEK KO
SIKESA (KO NARAKA) NA AYA BETADIRAN NA SII
SIRAN REKAMI PHANANANGKOPAN].
GO AYA DALIL KO KALEK A MASASARETA A
KAWAN NA SO KATHARO O ALLAH A MAPORO:
[ [فلا تخشوهم واخشونى] [سورة البقرة: الآية ١٥٠

MA-ANA:
[NAGO OBA NIYO SIRAN KALEKEN
NAGO SAKEN I KALEKEN IYO…]
GO AYA DALIL KO KATHAOBAT NA SO
KATHARO OALLAH A MAPORO:
[ [و أنيبوا إلى ربكم و أسلموا له] [سورة الزمر: الآية ٥٤
MA-ANA:
[GO THAOBAT KANO SII KO KADENAN
IYO NAGO SHALIMBOTAWAN KANO RON].
GO AYA DALIL KO KAPANGENI SA TABANG KO
ALLAH NA SO KATHARO O ALLAH A MAPORO:
[ [إياك نعبد و إياك نستعين] [سورة الفاتحة:الآية ٢
MA-ANA:
[S
EKABO I PESHIMBAA NAMI NAGO
SEKA BO I PHAMANGENIYA NAMI SA TABANG].
GO AYA DALIL IYAN SA HADITH NA SO
KATHARO O RASULOLLAH e :
((و إذا استعنت فاستعن بالله)) الحديث
MA-ANA:
((GO IGIRA A PHAMANGENI KA SA
TABANG NA SIIKA PAMANGENI KO ALLAH)).
GO AYA DALIL KO KALINDONG NA SO
KATHARO O ALLAH A MAPORO:
[٢- [قل أعوذ برب الناس، ملك الناس] [سورة الناس: الآياتان ١

MA-ANA:
[T
HAROANGKA (HAY MOHAMMAD) A
MELINDONGAKO KO KADENAN O MANGA MANOSIYA
A DATU O MANGA MANOSIYA].
GO AYA DALIL KO KAPANGENI SA TABANG
PANTAG KO MANGA RIDOAY, NASO KATHARO O
ALLAH A MAPORO:
[ [إذ تستغيثون ربكم فاستجاب لكم] [سورة الأنفال: الآية ٩
MA-ANA:
[GOWANI KO MAMANGENI KANO SA
TABANG KO KADENAN IYO (PANTAG KO MANGA
RIDOAY NIYO), NA TIYARIMA IYAN REKANO SO
PANGENI NIYO]
GO AYA DALIL KO KASOMBALI NA SO
KATHARO O ALLAH A MAPORO:
[قل إن صلاتي و نسكى و محياي و مماتي لله رب
العالمين، لا شريك له و بذلك أمرت و أنا أول المسلمين]
[١٦٣- [سورة الأنعام: الآيتان ١٦٢
MA-ANA:
[T
HARO-ANGKA (HAY MUHAMMAD) A
MATAAN A SO SAMBAYANG AKEN NAGO SO
KAPESHOMBALI AKEN, NAGO SO
KAOYAGOYAG AKEN NAGO SO KAPATAY AKEN
NA REK O ALLAH A KADENAN O MANGA KAADEN,
DA-A SAKOTOWA IYAN NA GIYAYA I
INISOGORAKEN, GO SAKEN I PAGANAY KO
MIMBABAYORANTANG (KO ALLAH)]

GO AYA DALIL SA HADITH NA SO KATHARO O
RASULULLAH r :
(( لعن الله من ذبح لغير الله )) الحديث
MA-ANA:
((PIMORKA-AN O ALLAH SO TAO A
PESHOMBALI SA DINIYAN DI ISHO ASOAT KO
SALAKAO KO ALLAH)), IBARAT O PESHOMBALI
SA PANTAG KO MANGA TONONG.
GO AYA DALIL KO KASHAMAYA NA SO
KATHARO O ALLAH A MAPORO:
[ [يوفون بالنذر و يخافون يوما كان شره مستطيرا] [سورة الإنسان: الآية ٧
MA-ANA:
[AYA ROPAAN O SIRAN A MIYA
MARATIYAYA NA IPETHOMANIRAN SO SAMAYA
NAGO IPEKHALEKIRAN SO GAWI-I A AYA BETAD O
KARATA IYAN NA LOMALANGKAP ( A GIYOTO SO
ALONGAN A MAORI) ]
IKADOWA A ONAYAN:
SO KAKENALA KO AGAMA ISLAM SANG
GOLALAN SA MANGA DALIL –SA QUR’AN AGO
HADITH- A SEKANIYAN SO KAMBAYORANTANG KO
ALLAH SANGGOLALAN KO KAPAKA ISA-ISA AWN, GO
SO KAPHASIYONOT KO ALLAH SA TAROTOP, GOSO
KATAWARANGA KO KAPANAKOTO NAGO SIRAN A
DIMAMANAKOTO, GO SEKANIYAN A ISLAM NA TELO
PANGKAT: 1- ISLAM 2- IMAN 3- IHSAN.
OMANI SAPANGKAT ROO NA ADENA MANGA
ROKONIYAN –ONAYAN IYAN-, NA AYA ROKON O
ISLAM NA LIMA: (1) SO KASHAKSI I SA DA-A TOHAN
A SHIMBA-AN A ROWAR KO ALLAH, AGO MATA-AN
A SO MOHAMMAD NA SOGO IYAN, (2) SO
KIPAMAYANDEGEN KO SAMBAYANG, (3) SO

KITONAIN KO DIYAKAT, (4) SO KAPHOWASA KO
RAMADHAN, (5) GOSO KAPNAI HADJI SA
BAITOLLAH SA MAKKAH.
AYA DALIL KO (SAHADAH) KASHAKSI-I NASO
KATHARO O ALLAH A MAPORO:
[ شهد الله أنه لا إله إلا هو و الملائكة و أولو العلم قائما
[ بالقسط لا إله إلا هو العزيز الحكيم] [سورة آل عمران: الآية ١٨
MA-ANA:
[PISHAKSIAN O ALLAH A MATA-AN A DA
TOHAN A BENAR A PESHOA SOATEN INONTABO
SEKANIYAN A ALLAH, GO PISHAKSIAN O MANGA
MALAIKAT, GO PISHAKSIAN O ADENA MANGA ILMO
IYAN A PHEMAYANDEG KO KAPAGINONTOLAN, A DAA
TOHAN A BENAR INONTA BO SEKANIYAN A ALLAH
A MABAGER A MAONGANGEN ]
AYA OSAYAN NIYAN: NA DA A PESHIMBAAN A
BENAR INONTA SO ALLAH A ISA-ISA, PIYAKA DA –
INISAPAR- SO NGANIN A PESHIMBA-AN A SALAKAO
KO ALLAH, TIYANTO NAGO PENTOON A SO SIMBA NA
PARA BO KO ALLAH, DA-A SAKOTOWA IYAN KO
KAPESHIMBA AWN, LAGIDOTO A DA A SAKOTOWA
IYAN KO KADATO IYAN., AYA OSAYAN ANAN SA
KAPAKA RAYAG IYAN NA SO KATHARO O ALLAH A
MAPORO:
[ و إذ قال إبراهيم لأبيه و قومه إنني براء مما تعبدون، إلا الذي
فطرني فإنه سيهدين سيهدين، و جعلها كلمة باقية في عقبه لعلهم
[٢٧- يرجعون] [سورة الزحروف: الآيات ٢٦
MA-ANA:
[GOWANI A THARO-ON O IBRAHIM KI
AMA IYAN NAGO SII KO MANGA PAGTAO NIYAN,
MATA-AN A SAKEN NA ANGIYAS AKO KO NGANIN A
PESHIMBA-ANIYO, INONTA BO SO ALLAH A MIYADEN

RAKENKA MATA-AN A SEKANIYAN NA THORO-ON
AKO NIYAN, BIYALOY NIYAN AYA A KATHARO A
POSAKA KO PEKHABABAA DANON, KA ANSIRAN
MAKAMBALINGAN (KO PARATIYAYA)]
GOSO KATHARO O ALLAH MAPORO:
[قل يا أهل الكتاب تعالوا إلى كلمة سواء بيننا و بينكم ألا نعبد إلا الله ولا
نعبد إلا به ولا نشرك به شيئا ولا يتخذ بعضنا بعضا أربابا من دون الله
[ فإن تولوا فقولوا اشهدوا بأنا مسلمون] [سورة آل عمران:الآية ٦٤
MA-ANA:
[THARO ANGKA (MOHAMMAD) HAY
MANGA TAO A TIYORONAN SA KITAB! SONGKANO KO
KATHARO ANDHATA DATAR TANORON A DA
PESHOASOATEN TANO A SALAKAO KO ALLAH, GO DA
ISHAKOTO TANORONA MAITO BO, GO DHI KHOWA-A
O SABA-D REKITANO SO SABA-AD A MANGA
KATOHANANA SALAKAO KO ALLAH, NA O TALIKOD
SIRAN NA THAROWA NIYO A SHAKSI INIYO A MATAAN
A SEKAMI NAMBABAYORANTANG KAMI(KO
ALLAH) ]
GO AYA DALIL KO KASHAKSI-I SA MATA-AN A
SO MOHAMMAD r NA SOGO O ALLAH NASO
KATHARO O ALLAH A MAPORO:
[لقد جاءكم رسول من أنفسكم عزيز عليه ما عنتم حريص عليكم
[ بالمؤمنين رؤوف الرحيم] [سورة التوبة: الآية ١٢٨
MA-ANA:
[SABEN SABENAR A MIYAKA
TALINGOMA REKANO SO SOGO A PED REKANO A
AWIDA AKAL IYAN SO MAREGEN NIYO, MALA
REKANO I SAMBATAN, MALAI KAPEDI, NAGO
MAKALIMO-ON KO MIYA MARATIYAYA]
NA AYA MA-ANA A KA SHAKSI-I KO
MOHAMMAD r NA SOGO O ALLAH, NASO KAONOTI

KO LANGON O NGANIN A INISOGO IYAN, NAGO SO
KAPANGIMBENARA KO NGANIN A PIYANOTHOL
IYAN, NAGO SO KAPANANGGILAI KO NGANIN A
INISAPAR IYAN GOSO INI LALANGIYAN, GO DINGKA
SHIMBA-AN SO ALLAH INONTABO ONGGOLALAN KO
NGANIN A SOGO ANIYAN(SO KISONGKADEN KO
MANGA SIMBA KO OKIT O RASULOLLAH r )
GO AYA DALIL KO SAMBAYANG NAGO SO
KABEGAY SA DIYAKAT -ZAKAT-, GO SO OSAYAN KO –
TAWHID-KAPAKA ISA-ISA A KO ALLAH NA SO
KATHARO OALLAH A MAPORO:
[ و ما أمروا إلا ليعبدوا الله مخلصين له الدين حنفاء و يقيموا الصلاة
[ و يؤتوا الزكاة و ذلك دين القيمة] [سورة البينة: الآية ٥
MA-ANA:
[GO DA-A INISOGO KIRAN A ROWAR SA
KASIMBA-A IRAN KO ALLAH A TOTOLABOSEN
IRANON, SO OKIT KO KAPAGINTAO A
SHASALIMBOTAWAN SIRAN, GOSO KIPAMA
YANDEGEN IRAN KO SAMBAYANG, GOSO KATONAYA
IRAN KO DIYAKAT -ZAKAT-, GIYOTOMAN I OKIT A
ONTOL]
GO AYA DALIL KO KAPHOWASA NA SO
KATHARO O ALLAH A MAPORO:
[يا أيها الذين آمنوا كتب عليكم الصيام كما كتب على الذين من قبلكم
[ لعلكم تتقون] [سورة البقرة: الآية ١٨٣
MA-ANA:
[ HAY SO SIRAN NOTO A MIYA
MARATIYAYA! INIPALIYOGAT REKANO SO
KAPHOWASA SA LAGID O KINI PALIYOGATENON KO
SIRAN A MIYA ONA ANIYO KA ANGKANO MAKA
PANANGGILA]

GO AYA DALIL KO KAPENAY HAJI NASO
KATHARO O ALLAH A MAPORO:
[و لله على الناس حج البيت من استطاع إليه سبيلا، و من كفر فإن الله
[ غني عن العالمين] [سورة آل عمران: الآية ٩٧
MA-ANA:
[GO INI PALIYOGAT O ALLAH KO MANGA
MANOSIYA SO KAPENAY HAJI SA BAITOLLAH-SII SA
MAKKAH- KO TAO A KHAGAGANIYAN SO LALANONANGGOLALAN
SA TAMOK NAGO BAGER A LAWAS- SA
TAO A MONGKIR NA MATA-AN A SO ALLAH NA
KAWASA A DA-A NISISITA NIYAN KO MANGA KAADENIYAN]
IKADOWA PANGKAT:
SO PARATIYAYA –IMAN- GO SEKANIYAN NA
SOBRA PITO POLO SOSON, NA AYA PIPHAPORO
ANIYAN NA SO KATHARO A KO LAI ILA HA
ILLALLAH –DA-A PESHOASOATEN A BENAR A
ROWAR KO ALLAH, NAGO AYA PINAKA KABABAANIYAN
NA SO KAKOWAI SA ALANG ODI NA
MARESHIK KO LALAN, NASO KAYA NA PED KO
SOSONAN O PARATIYAYA, GO AYA MANGA ROKON
IYAN NA NEM: (1) SO KAPARATIYAYA A KO ALLAH,
(2) GOSO KAPARATIYAYA A KO MANGA MALAIKAT
IYAN, (3) GOSO MANGA KITAB IYAN, (4) GOSO
MANGA SOGO IYAN, (4) GOSO KAPARATIYAYA A
KO ALONGAN A MAORI, (5) GOSO KAPARATIYAYA
A KO OKORAN-MELAGID O MARATA AGO MAPIYA-,
AYA MANGA DALIL SANGKANAN A NEM A MANGA
ROKON NA SO KATHARO O ALLAH A MAPORO:
[ليس البر أن تولوا وجوهكم قبل المشرق والمغرب، ولكن البر من آمن بالله
[ و اليوم الآخر و الملائكة و الكتاب و النبيين] [سورة البقرة: الآية ١٧٧

MA-ANA:
[KENA OBA AYA PITHA MANAN A MAPIYA
NA SO KIPANGADAPEN IYO KO MANGA PARAS IYO SA
TAMPAR SA SEBANGAN AGO SA TAMPAR SA
SEDEPAN, OGAID NA AYA PITHAMANAN A MAPIYA
NA SO KAPARATIYAYA A KO ALLAH, GOSO ALONGAN
A MAORI, GOSO MANGA MALAIKAT GOSO KITAB,
GOSO MANGA NABI]
AYA DALIL KO OKORAN NASO KATHARO O
ALLAH A MAPORO:
[ [ إنا كل شيء خلقناه بقدر] [سورة القمر: الآية ٤٩
MA-ANA:
[MATA-AN A SEKAMI NA INADEN AMI SO
LANGOWAN O SAI SA OKORAN]
IKA TELO PANGKAT:
SO KAPHIYAPIYA -IHSAN-, NA AYA ROKON
IYAN NA ISA, SEKANIYAN SO KASIMBA-A KO ALLAH
SA DATAR OBA MATA-AN A SEKA NA PHAGILAINGKA
NIYAN, NA ODI KHABALOY A DATAR OBANGKA
SEKANIYAN PEKHA ILAY NA MATA-AN A SEKA NA
PHAGILAINGKA NIYAN.
GO AYA DALIL SAN NA SO KATHARO O ALLAH
A MAPORO:
[ [إن الله مع الذين اتقوا والذين هم محسنون][سورة النحل: الآية ١٢٨
MA-ANA:
[MATA-AN A SO ALLAH NA INGEMPEDA
IYAN SO SIRAN A MIYA MANANGGILA, GOSO SIRAN
OTO A MIPHIYAPIYA]
GOSO KATHARO O ALLAH A MAPORO:

[و توكل على العزيز الرحيم، الذي يراك حين تقوم و تقلبك في
[٢٢٠- الساجدين، إنه هو السميع العليم] [سورة الشعراء: الآيات ٢١٧
MA-ANA:
[GO PANARIG KA KO -ALLAH-_ A
MABAGER A MAKALIMO-ON, A SO PEPHAKA ILAY
REKA KO MASA A KAPETINDEG KA, GOSO
KAPHAGALINALIN KA A RAKES O PHAMANO JIYOD,
MATAAN A -SEKANIYAN A ALLAH- SO PEPHAKANEG
A MATAO]
GOSO KATHARO O ALLAH A MAPORO:
[و ما تكون في شأن و ما تتلوا منه من قرآن ولا تعملون من عمل إلا
[ كنا عليكم شهودا، إذ تفيضون فيه] [سورة يونس: الآية ٦١
MA-ANA:
[GO DA A KHATAGOWAN REKA A BETAD,
GO DA A PHANGADIYAN KA KO QUR’AN, GO DA
MAPENGGALEBEK IYO A GALEBEK A BADI SEKAMI I
MANGA SAKSI REKANO KO MASA A DINIYO RON DI
KINGGOLALANEN]
GO AYA DALIL ANAN SA HADITH NA SO
KATHARO O RASOLULLAH r:
المشهور، عن عمر بن الخطاب رضي الله عنه u ((حديث جبريل
إذ طلع علينا رجل شديد r قال: "بينما نحن جلوس عند رسول الله
بياض الثياب سواد الشعر، لا يرى عليه أثر السفر،ولا يعرفه منا أحد،
فأسند ركبتيه على ركبتيه، و وضع كفيه إلى r حتى جلس إلى النبي
:r فخذيه، و قال: يا محمد ! أخبرني عن الإسلام؟ فقال رسول الله
الإسلام: أن تشهد أن لا إله إلا الله، و أن محمدا رسول الله. و تقيم
الصلاة. و تؤتي الزكاة. و تصوم رمضان. و تحج البيت إن استطعت
إليه سبيلا، قال صدقت. فعجبنا له؛ يسأله و يصدقه. قال: فأخبرني عن
الإيمان؟ قال: أن تؤمن بالله، و ملائكته، و كتبه، و رسله، و اليوم
الآخر، و تؤمن بالقدر؛ خيره و شره، قال: صدقت. قال: فأخبرني عن
الإحسان؟ قال: ، أن تعبد الله كأنك تراه، فإن لم تكن تراه فإنه يراك،

قال: فأخبرني عن الساعة؟ قال: ما المسئول عنها بأعلم من السائل.
قال: فأخبرني عن أماراتها؟ قال: أن تلد الأمة ربتها، و أن ترى
الحفاة العراة العالة رعاء الشاء يتطاولون في البنيان. ثم انطلق، فلبث
مليا. ثم قال يا عمر! أتدري من السائل؟ قلت: الله و رسولھ أعلم. قال:
فإنھ جبریل أتاكم یعلمكم دینكم)). رواه مسلم.
MA-ANA:
[MIYAKA PO-ON KI OMAR BIN ALKHATTAB
t -MIYASOAT RUKANIAN SO ALLAHPITHARO
IYAN: MIYAKA ISA A MO-ONTOD KAMI KO
OBAY O NABI r NA MIYAKA TALINGOMA REKAMI A
MAMA A TANTO A MAPOTI INDITAREN, TANTO A
MAITEM I BOK, DA A KHAILAY RON A RARAD A
DIMELAYALAYAG, GO DA MATAO REKAMI RON A ISA
BO, NA MIYONTOD KO OBAY O NABI r NA
INITOMBOK IYAN A DOWA LEB IYAN KO DOWA LEB O
NABI r , GO INIBETADIYAN AMBALA APALAD IYAN
KO LIYAWAW A BOBONIYAN, GO PITHARO IYAN: HAY
MOHAMMAD! PANOTHOLIYA KONGKA MAKAPANTAG
KO ISLAM, PITHARO NABI r : AYA ISLAM NA SO
KASHAKSI-I SA MAT-AN A DA A PESHOASOATEN A
BENAR A ROWAR KO ALLAH GO MATA-AN A SO
MOHAMMAD NA SOGO O ALLAH, GO SO
KIPAMAYANDEGEN KO SAMBAYANG, GO SO
KITONAIN KO ZAKAT, GOSO KAPHOWASA I KO
RAMADHAN, GOSO KAPENAY HAJI SA -BAITOLLAH-,
AMAY KA KHAGAGA SO LALANON, PITHARO O
(JIBRIL u) BENAR KA(MIPHATI-IS KA,
INIPAMEMESAMI A KAPHAGISHA INIYAN KO NABI r
GO PEMBENAR NIYAN, PITHARO (JIBRIL u):
PANOTHOLANGKA RAKEN MIPANTAG KO
PARATIYAYA –IMAN-, PITHARO IYAN (RASULOLLAH
r ), AYA PARATIYAYA NA SO KAPARATIYAYA
ANGKA KO ALLAH, GOSO MANGA MALAIKAT IYAN,

GOSO MANGA KITAB IYAN, GOSO MANGA SOGO
IYAN, GOSO ALONGAN A MAORI, GOSO OKORAN-
(NDATAR O MAPIYA ANTA-A KA MARATA-, NA
PALAYA PHO-ON KO ALLAH), PITHARO (JIBRIL u) A:
PANOTHOLANGKA RAKEN SO KAPHIYAPIYA-IHSAN-,
PITHARO O RASULOLLAH r A AYA KAPHIYAPIYA NA
SO KASIMBA ANGKA KO ALLAH SA LAGID OBANG KA
SEKANIYAN PEKHA ILAY, (A ALLAH) NA APIYA
DINGKA PEKHA ILAY NA MATA-AN A SEKANIYAN (A
ALLAH) NA PHAGILAINGKA NIYAN, NA PITHARO O
(JIBRIL u) A: PANOTHOLANGKA RAKEN SO
MIPANTAG KO BANGKIT, PITHARO O (RASULOLLAH r
) DA KO PHAGISHA-AN A SO (MUHAMMAD r ) I
BANIYAN KAIP ADI SO PHANGINGISHA A SO (JIBRIL
u), PITHARO O (JBRIL u) A: PANOTHOLIYA KONG
KA KO MANGA TANDA IYAN, PITHARO O
(RASULOLLAH r ): A SO KAMBAWATA O BABAY A
BISAYA SA DATO, GO AMAY KA MAILAY INGKA SO
TAO A MAKALELEKAS (A DA BANIYAN MAPENDITAR)
A PANANAGIKOR SA KAMBING A DISIRAN DI
MELALAWANA SA KAMBALAY, PITHARO O OMAR t :
NA MIYA IPOS SO JIBRIL u NA MIYA TATAP KAMI
(SANGKOTO A DARPA) NA PITHARO O RASULOLLAH r
: HAY OMAR! INO KATAWAN IYO O ANTAWA-A
GIYANGKOTO A DIMANGINGISHA?, PITHARO AMI: SO
ALLAH AGO SO SIYOGO IYAN I LEBI RON A MATAO,
PITHARO O RASULLOLLAH r : A GIYOTO SO JIBRIL u
A MIYAKA TALINGOMA REKANO A IPHANGENDAO
NIYAN REKANO SO AGAMA NIYO)
IKATELO A ONAYAN:
\SO KAKENALA KO NABI NIYO A MOHAMMAD r
A SEKANIYAN SO MOHAMMAD A WATA O ABDULLAH
A WATA O ABDULMOTTALIB A WATA O HASIM, A SO
HASIM NA PED KO BANGSA O QURAISH, NA SO
QURAISH NA PED KO ARAB, NASO ARAB NA PED KO
WATA O ISMAIL u A WATA O IBRAHIM u ,-SII REKA
NIYAN AGO SII KO NABI TANO SO MAKALELEBI A
SANANG NAGO SO KALILINTAD, A AYA MIYA
PAGIDAD IYAN NA NEM POLO AGO TELO RAGON, SO
PAT POLO-ON RAGON NA ONA-AMPEN O DANIYAN
KANABI, NA SO DOWA POLO ON AGO TELO RAGON
NA MIYA NABI AGO RASUL, MIYA NABI KOKINI
TORONEN KO[ اقرأ ], NA MIYA RASUL KO
KINITORONEN KO [ المدثر ], GO AYA INGED IYAN NA
GIYA A MAKKAH, SIYOGO SEKANIYANA O ALLAH SA
KAPAMAGITA PANTAG KO KAPANAKOTO, NAGO
KAPANOLON SI-I KO KAPAKA ISA-ISA A KO ALLAHTAWHID-,
AYA DALIL NA SO KATHARO O ALLAH A
MAPORO:
[يا أيها المدثر، قم فأنذر، و ربك فكبر، و ثيابك فطهر، و الرجز
[٧- فاهجر، ولا تمنن تستكثر، و لربك فاصبر] [سورة المدثر: الآيات ١
MA-ANA:
[HAY (NABI A) KHOKHOLOB!,
PAMAYANDEG KA NA GOKA PAMAKA IKTIYAR, NAGO
SO KADENAN KA NA SHELASHELA ANGKA, NAGO SO
NDITAREN KA NA SOTI ANGKA, GO SO MARSHIK (A
MANGA BARAHALA) NA PAKAWATANINGKA, GO
DIKA PEPHAMEMEGAY SA PANTAG SA KAPELABA,
NAGO MAKAPANTAG KO KADENAN KA NA THIGER
KA], AYA MA-ANA[ قم فأنذر ] NA PAMAKA IKTIYAR
KA PHO-ON KO KAPANAKOTO GO KAPANGOYAT PHOON
KO KAPAKA ISA-ISA A KO ALLAH,[ [ و ربك فكبر

GO SHELASHELA ANGKA SEKANIYAN SANGGOLALAN
KO KAPAKA ISA AWN, [ وثيابك فطهر ], MA-ANA SOTI
ANGKA SO GALEBEK KA KO KAPANAKOTO, [ و الرجز
فاهجر ], SO MANGA BARAHALA NA AYA
KATAWARANGAON NA SO KIBAGAKENON NAGO SO
MANGA TAO A PESHIMBAON, GOSO KA-ANGIYASON,
NA MIYAKA SAPOLO RAGON NA DI-INIYAN DI
IPANOLON SO KAPAKA ISA-ISA A KO ALLAH, NA
ORIYANO SAPOLO RAGON NA INIPAMANIK KO
LANGIT, NA INI PALIYOGATON SO: LIMA A
SAMBAYANG, NA MIYAKA PANAMBAYANG SA
MAKKAH KO SOLED O MIYAKA TELO RAGON,
ORIYAN IYAN NA SIYOGO O (ALLAH) SA
MAKATOGALIN SA MADINAH, NA AYA KATOGALIN: (
الهجرة ) NA SO KA-AWAI KO INGED A KAPANAKOTO,
SA SONGKA KO INGED A ISLAM, A GIYANAN A
(KATOGALIN) NA TATAP SA TAMAN SA BANGKIT.
AYA DALIL NA SO KATHARO O ALLAH A MAPORO:
(إن الذين توفاهم الملائكة ظالمي أنفسهم قالوا فيما كنتم قالوا كن ا
مستضعفين في الأرض، قالوا ألم تكن أرض الله واسعة فتهاجروا فيها،
فأولئك مأواهم جهنم و ساءت مصيرا، إلا المستضعفين من الرجال و
النساء و الولدان لا تستطيعون حيلة ولا يهتدون سبيلا، فأولئك عسى
[ ٩٩- الله أن يعفو عنهم و كان الله عفوا غفورا) سورة النساء: الآيات ٩٧
MA-ANA:
[MATA-AN A SO SIRANOTO A
PIYANGOWA-AN O MANGA MALAIKAT SA NIYAWA, A
LIYALIM IRAN A GINAWA IRAN NA PITHARO O
MANGA MALAIKAT: A ANTONA-A I MIYAMBETAD
IYO, PITHARO IRAN A AYA BETAD AMI NA MANGA
LOLOBAY KAMI KO LOPA, PITHARO O MANGA

MALAIKAT, A BADA MABALOY SO LOPA O ALLAH A
MAWLAD KA ANGKANO RON MAKA TOGALIN, NA
SIRAN MAN NA AYADEN A DARPA IRAN NA SO
NARAKA JAHANNAM A MIKHARATARATA A
KHABOLOSAN, INONTABO SO MANGA LOLOBAY KO
MANGA MAMA AGO SO MANGA BABAI GOSO MANGA
WATA A DISIRAN PHAKA GAGA MAGANTANGAN (SA
KAPAKA LIYO IRAN) GO DISIRAN PHAKATO-ON SA
LALAN, SIRAN MAN NA MATATANGKED A PEMAAPAN
SIRAN O ALLAH KA AYA BETAD O ALLAH NA
MAMA-APEN A MANAPI]
GO AYAPEN A DALIL SAN NA SO KATHARO O
ALLAH A MAPORO:
[يا عبادي الذين آمنوا إن أرضي واسعة فإياي فاعبدون] [سورة العنكبوت:
[ الآية ٥٦
MA-ANA:
[HAY! MANGA ORIPEN AKEN A SO SIRAN
OTO A MIYA MARATIYAYA, MATAA-AN A SO LOPA
AKEN NA MAOLAD NA SAKEMBO I SIMBA–A NIYO]
PITHARO I ALBAGAWI-IKALIMO SEKANIYAN O
ALLAH- : AYA SABAP A KINITORONEN SANGKAI A
AYAT NA SABAP KO MANGA MOSLIM SA MAKKAH A
DASIRAN TOGALIN, TIYAWAG SIRAN O ALLAH A
MIYA MARATIYAYA.
GO AYA DALIL SA HADITH KO
KATOGALIN NA SO KATHARO O NABI r :
(لا تنقطع الهجرة حتى تنقطع التوبة، و لا تنقطع التوبة حتى تطلع الشمس من مغربها
MA-ANA:
DIDEN KHAPINDA SO KATOGALIN
TAMAN SA DI MAPINDA SO KATHAOBAT, NA DI

KHAPINDA SO KATHAOBAT TAMAN SA DI SOMEBANG
SO ALONGAN SA SEDEPAN( A GIYOTO SO BANGKIT)
NA KAGIYA KO MAKATHAKENA (SO NABI r )
NA INISOGO-ON SO LAMBA A MANGA KOKOMAN
(SOGOAN O ISLAM, IBARAT O KANDIYAKAT,
KAPHOWASA, KAPENAY HAJI, GOSO KAPAGEBANG,
GOSO JIHAD, GOSO KASOGO SA MAPIYA GO KASAPAR
SA MARATA, GOSO SALAKAO SAN A MANGA SOGOAN,
SI-I KO SOLED O MIYAKA SAPOLO RAGON NA
MIYA WAPAT SO RASULOLLAH r NASO OKIT IYAN NA
MALALAMBA, SA GIYAI OKIT IYAN: DA-A MAPIYA A
BANIYAN DANGGONANA-OWA KO MANGA OMAT
IYAN, GODA A MARATA A BANIYAN KIRAN DA PAKIIKTIYARI,
NA AYA MAPIYA NASO PINGGONANA-O
NIYANOTO: NASO KAPAKA ISA-ISA A KO ALLAH
NAGO SO LANGOWAN O IKHABABAYA IYAN GO
IKHASOAT IYAN, NA AYA MARATA A PIYAKI
IKTIYARAN IYAN NA SO: KAPANAKOTO NAGO SO
LANGOWAN A DINIYAN IKHASOAT NAGO DINIYAN
IKHABAYA, SIYOGO SEKANIYAN KO KADANDAN O
MANGA MANOSIYA, NA INI PALIYOGAT IYAN SO
KAONOTIRON O KALANGOWAN O JIN AGO MANGA
MANOSIYA, AYA DALIL SA NA SO KATHARO O ALLAH
A MAPORO:
[ [قل يا أيها الناس إني رسول الله إليكم جميعا] [سورة الأعراف: الآية ١٥٨
MA-ANA:
[THARO ANGKA (HAY MOHAMMAD) HAY
SO SIRANOTO A MANGA MANOSIYA! MAT-AN A
SAKEN NA SOGO O ALLAH SI-I REKANO LANGON]
NA TIYAROTOP O ALLAH SO AGAMA NIYO SA

MINISABAPON, AYA DALIL NASO KATHARO O ALLAH
A MAPORO:
[اليوم أكملت لكم دينكم و أتممت عليكم نعمتي و رضيت لكم الإسلام
[ دينا] [سورة المائدة: الآية ٣
MA-ANA:
HSJSJK [SA ALONGAN AYA NA TIYAROTOP AKEN
REKANO SO AGAMA NIYO, NAGO TIYAROTOP AKEN
REKANO SO LIMO AKEN, GO INIKASOWAT AKEN SO
ISLAM A AYA NIYO AGAMA]
GO AYA DALIL SA KIYA WAPAT O NABI r NASO
KATHARO O ALLAH A MAPORO:
[إنك ميت و إنهم ميتون ثم إنكم عند ربكم تختصمون] [سورة الزمر:
[٣١ - الآيتان ٣٠
MA-ANA:
[MATA-AN A SEKA NA PHATAY KA NAGO
MATA-AN A SIRAN NA PHATAY SIRAN, ORIYAN
NIYAN NA MATA-AN A SA ALONGAN A MAORI NA
SEKANO NA PEPHAPAWALA KANO KO KADENAN IYO
(PHANGOKOMEN KANO)]
GOSO MANGA TAO NA AMAY KO MAMATAY
SIRAN NA PAGOYAGEN SIRAN, AYA DALIL SAN NA SO
KATHARO O ALLAH O MAPORO:
[منها خلقناكم و فيها نعيدكم و منها نخرجكم تارة أخرى] [سورة
[ طه: الآية ٥٥
MA-ANA:
[PHO-ON KO LUPA NA INADEN KANO NIYAN GO
PHAKANDODEN KANO NIYAN BO KO DIDALEM IYAN,

NA PHAKAMBOWATEN KANO NIYAN BO PHAROMAN
PHO-ON KO LUPA]
GOSO KATHARO O ALLAH A MAPORO:
[و الله أنبتكم من الأرض نباتا ثم يعيدكم فيها و يخرجكم إخراجا]
[١٨ - [سورة نوح: الآيتان ١٧
[GO MA-ANA:
SEKANIYAN A ALLAH SO INADENGKANO NIYAN A
PHO-ON KO LUPA, (SA LAGI O MANGENGETHO),
ORIYAN IYAN NA PHAKA KASOWING KANO NIYAN
RO-O, GO PHAKA GEMAONG KANO NIYAN BO SA
SAMPORNA A KAPAKA GEMAO]
NA ORIYAN O KAOYAG (O MANGA TAO) NA
PHAMAGITONGEN SIRAN NAGOMBALASAN SIRAN
SABAP KO MANGA GALEBEK IRAN, AYA DALIL SAN
NA SO KATHARO O ALLAH A MAPORO:
[و لله ما في السماوات و الأرض ليجزي الذين أساءوا بما عملوا و
[ يجزي الذين آمنوا بالحسنى] [ سورة النجم: الآية ٣١
MA-ANA:
[NAGO REK O ALLAH SO NGANIN A
MATATAGO KO LANGIT AGO LUPA, KA ANIYAN
KABALASI SO SIRANOTO A PHIRATARATA ANIRAN SO
GALEBEK IRAN, GOMBALASAN IYAN SO SIRANOTO A
MIPHIYAPIYA (SA MAPIYA) SABAP KO KIYA
PHIYAPIYA IRAN],
SADEN SA PAKAMBHOKHAGEN NIYAN SO
KAPANGOKOM NA MIYAKAPIR, AYA DALIL SAN NASO
KATHARO O ALLAH A MAPORO:

[زعم الذين كفروا أن لن يبعثوا، قل بلى و ربي لتبعثن ثم لتنبئن بما
[ عملتم و ذلك على الله يسير] [سورة التغابن: الآية ٧
MA-ANA:
[TIGOWAN O SIRAN A DA PAMARATIYAYA A
DISIRAN DEN KHAOYAG, THARO ANGKA
(MOHAMMAD) A SIGORADODEN A PAGOYAGENG
KANO O KADENAN AKEN, ORIYA NIYAN NA
PHANOTHOLEN IYAN REKANO SO NGANIN A
PINGGALEBEK IYO, KA GIYOTOMAN A
(KAPAGOYAGA REKANO) NA MALEBOD KO ALLAH]
GO SIYOGO O ALLAH SO LANGOWAN A SOGO
KA PHAMANOTHOLEN IRAN SO MANGA PIPIYA A
BALAS O ALLAH GO PHAMAKI IKTIYARAN IRAN SO
MANGA SIKSA O ALLAH, AYA DALIL SAN NA SO
KATHARO O ALLAH A MAPORO:
[رسلا مبشرين و منذرين لئلا يكون للناس على الله حجة بعد
[ الرسل] [سورة النساء: الآية ١٦٥
MA-ANA:
[SIYOGO O ALLAH SO MANGA SOGO KA
ANIRAN MAPAMANOTHOL SO BALAS O ALLAH, GO
ANIRAN KAPAKI IKTIYARI SO MANGA SIKSA IYAN,
KA ANDA KHABALOY A KARINA(DALINA) O MANGA
TAO KO ALLAH KO ORIYAN O KIYA PAKA
TALINGOMA KIRAN O MANGA SOGO ]
NA AYA MONAPONA KO MANGA SOGO NA SO
NOOH u NA AYA MORIPORI KIRAN NA SO
MOHAMMAD r, SEKANIYAN I POLIMPOSAN O
MANGA NABI, AYA DALIL SAN NA SO KATHARO
OALLAH A MAPORO:

[إنا أوحينا إليك كما أوحينا إلى نوح و النبيين من بعده]
[ [سورة النساء: الآية ١٦٣
MA-ANA:
[MATA-AN A SEKAMI NA INI WAHI
(ILAHAM) AMI REKA SOLAGIDO INIWAHI (ILAHAM )
AMI KO NOOH NAGO SO MANGA NABI A MIYA
ORIYAN IYAN] NA LANGOWAN O PAGETAO NA
SIYOGOWAN SIRAN O ALLAH SA SOGO IPHO-ON KO
NOOH u NA TAMAN KO MOHAMMAD r, A IPESHOGO
IYAN KIRAN SO KAPESHIMBA IRAN KO ALLAH A ISAISA,
IPESHAPAR IYAN KIRAN SO KAPESHIMBA-A KO
MANGA TAGOT, AYA DALIL SAN NA SO KATHARO O
ALLAH A MAPORO:
[ولقد بعثنا في كل أمة رسولا أن اعبدوا الله و اجتنبوا
[ الطاغوت][سورة النحل: الآية ٣٦
MA-ANA:
[ GO SABENAR A SIYOGO AMI KO OMAN I
PAGTAO SO SOGO KA ANIRAN MASIMBA SO ALLAH,
GO ANIRAN KAPANANGGILAI SO TAGOT]
NA INI PALIYOGAT IYAN KO LANGOWAN O
ORIPEN IYAN SO KAONGKIRA KO TAGOT, GO
INIPALIYOGAT IYAN SO KAPARATIYAYA A KO
ALLAH, PITHARO I IBN ALQAYM -INIKALIMO
SEKANIYAN O ALLAH-: AYA MA-ANA A TAGOT: NASO
KALAMPASA O ORIPEN KO TAMANA IYAN (A ALLAH),
A PED SA PESHIMBA-AN ODI NA PHAGONOTAN ODI
NA PHANGONGONOTANAN, NASO MANGA TAGOT NA
MADAKEL NA AYA MANGA NAKODA IYAN NA LIMA:
(1) SO IBLIS A PIMORKA-AN O ALLAH (2) GO SADEN
SA PESHIMBA-AN (A SALAKAO KO ALLAH) A

MASOSOWAT (3) GO SADEN SA IDOLON IYAN KO
MANGA TAO A KASIMBA-A SA GINAWA NIYAN
(4) GO SADEN SA TAO A BALOWIN IYAN A KAIP IYAN
SO ISA BO KO MIGAGAIB (5) GO SADEN SA
IKOKOMIYAN SO SALAKAW KO INITORON O ALLAH
(A SO QUR’AN). AYA DALIL NASO KATHARO O ALLAH
A MAPORO:
[لا إكراه في الدين قد تبين الرشد من الغي، فمن يكفر
بالطاغوت و يؤمن بالله فقد استمسك بالعروة الوثقى، لا
[ انفصام لها و الله سميع عليم] [سورة البقرة: الآية ٢٥٦
MA-ANA:
[DA-A KAPANEGEL KO AGAMA KA
SABENAR A MINISENGGAY SO ONTOL KO RIBAT,
SADEN SA ONGKIREN IYAN SO MANGA TAGOT NA
SABENAR A MIYAKA KAPET SA RAMBIT A MABAGER
(A GIYOTO SO ONTOL) A DA-A IKHATEPED IYAN,
NASO ALLAH NA PEPHAKANEG A MATAO]
GO GIYANAN I MA-ANA O [ [ لا إله إلا الله
GO AYA DALIL SA HADITH NASO KATHARO O
RASULOLLAH r :
((رأس الأمر الإسلام، و عموده الصلاة، و ذروة سنامه الجهاد في سبيل الله))
MA-ANA:
((AYA OLO O AGAMA NASO KAPAGISLAM, NA
AYA POLAOS IYAN NASO SAMBAYANG, NA AYA
PONDIYONG IYAN NASO JIHAD SA LALAN KO ALLAH))
SOBO SO ALLAH I LEBI A MATA-O.

*** تمت الأصول الثلاثة ***