| SO IKA-2 A MALA A DOSA-SO KAPAMONO |
|
|
|
بسم الله الرحمن الرحيم
الحمد لله و الصلاة و السلام على رسول لله و على آله و صحبه أجمعين، أما بعد:
So
oriyano podi ko Allah goso salawat ko oripun Iyan go siyogo Iyan a
pangolo tano a Muhammad (s.a.w.) goso manga tonganay niyan agoso manga
Sahaba niyan. Oriyan iyan:PAMUKASAN
Sabap ko kalalagadayo kapriridoay ka didun maruguna kapumbonoa o taw ko lagid iyan, mulagido mayto odina mala a sabap iyan taman sa madakula gi-iniyan pun imbantogan, na initogalin ami sa basa Muranaw angkai a “Ikadowa a pinakamala a dosa” a miya-aloy ko kitab a AlKabair i Shiekh/ Muhammad bin Uthman Ad-Dhahabi ka kalo-kalo na makang-gaya inungka ko manga taw a makasosogokon go makasapar ko makapipikiron na kasabapan sa katoroa kirano Allah na makattawbat siran. Oway dun ka aduna mittaro-on ko manga Ulama sa da-a kapaka-tawbato miyamono sabap ko kala a tanto a dosa niyanon ka tlo soson:
1. Isaon so dosa niyan ko Allah ka inisaparo Allah so kapamono inontabo si-iko kabnar.-Giyai na kkapakaya irilaono Allah opamako ttawbat piya-piya.
2. Ikadowa so dosa niyan ko kiyaganatana manga wata a miya-ilo goso manga pamiliya go manga tonganayo miyapatay. -Giayi na mapakay pun mambo a irila iranon o kalimo-ono Allah.
3. Ikatlo so dosa niyan ko miyapatay niyan.-Giyai kkata-alikon sa taman sa kapakato-ona iran sa Alongana Mawri ka sukatun iyan sa hadapano Allah a mizasalampotiyan so rogo iyan. O kalimo-ono Allah na kirila iyanon odi na miyatunggar iyanon so kanaraka-an.
Inonta na aya mabagura kawl na adna kapakatawbat iyan amay ka ttawbat sa “Tawbat An-Nasoha” karuga-ruga a didun mbabalinganan go kkapakaya ikalimo puno Allah amay ka piya-piya a manamar magamal. Pittaro o Allah:
(وليست التوبة للذين يعملون السيـئات حتى إذا جاء أحدهم الموت قال إنى تبت الـئان و لا الذين يموتـون و هم كـفار، أولئـك أعتـد نا لهـم عــذابا ألـيما)
“Na da-a tawbata (kkatarima a) ruko siranoto a gi-inggolawla sa manga rarata taman sa amay ka miyakatalingoma ko isa kiran so kapatay na ttaro-on iyana mata-ana sakun na mittawabat akodun imanto go (da-a tawbata kkatarima) ko siranoto a miyamatay a siran na miyongkir. Siranoto so initiyagar amikiran so siksa a masakit” [Surah An-nisah 4:18]Jamalodden “Abu-Ashraf” Abdurraheem (patotogalin)
SO IKA-2 A MALA A DOSA (KAPAMONO)
Pittaro o Allah (s.w.t.) sa Qur’an:
(( ومن يـقـتـل مـؤمنا مـتعـمـدا فـجـزآؤه جهـنـم خـالـدا فـيهـا وغـضـب الله عـليــه و لعـنـه و أعـدّ له عـذابا عـظيما )) النساء آية 93
“Go sadun sa taw a mamono sa miyaratiyaya a pimbaba iyan na aya balas iyan na so Naraka Jahannam a kakal sukaniyanon go kkara-rangitano Allah sukaniyan ago pumorka-an Iyan ago ititilagad Iyanon so siksa a mala” [Surah An-Nisah 4:93]Ago pittaro o Allah (s.w.t.) sa Qur’an:
((و الذين لا يدعـون مع الله إلها آخـر و لا يـقـتـلـون الـنـفـس ا لتى حـرم الله إلا بالحق و لا يـــزنـون، و مـن يـفـعـل ذلك يلــق أثاما يضاعـف له العـذاب يــوم الـقيـامـــــة و يخـلـد فـيـه مـهـانا، إلا من تاب و ءامن و عـمـل عـمــلا صـالحـــا)) الفرقان آية68-70
“Agoso siranoto a di iran ippanakoto so Allah sa tohana salakaw go di siran ppamono sa taw a inisaparo Allah inontabo o si-iko kabunar ago di siran puzina. Na sa taw ang-golawla-an iyan nanan na kitumoron so dosa niyan, ttakupun rukaniyan so siksa sa Alongana Qiyamah ago kkatatapon sukaniyana makadadampanas. Inontabo so taw a ttawbat ago maratiyaya ago magamal sa amala mapiya” [Surah Al-Furqan 25:68-70].Ago pittaro o Allah (s.w.t.) sa Qur’an:
((من أجل ذلك كتبنا على بنى إسرائيل أنه من قتل نفسا بغير نفس أو فساد فى الارض فكأنما قتل الناس جميعا ومن أحياها فكأنما أحيا الناس جميعا)) المائدة آية 32
“Na makasabap ro-o na inipaliyogat ami ko Bani Israel a mata-ana sadun sa makapatay sa taw a kunao ba miyamono odi na kuna oba puppaminasa ko liyawaw lopa na mata-ana lagid bo o ba niyan biyono so manga manosia langon go sapuman sa kasabapan sa kauyago taw na mata-ana lagid bo o ba niyan inoyag so manga manosia langon” [Surah Al-Maidah 5:32]
Ago pittaro o Allah (s.w.t.) sa Qur’an:
((و إذا الموء ودة سئـلت ، بأي ّ ذنب قـتـلـت)) سورة التكوير آية 8-9
“Ago amay ka so bagowaraga (a inilubung a oyagoyag ) na ipakaiza, o antonai kasala-an a inibono-on” [Surah At-Takwir 81:8-9]
So Rasoulollah (s.a.w.) na pittaro iyan:
((اجـتـنـبـوا الـسـبع المـوبـقات))
“Pananggilai niyo so pito a manga ala a dosa……isa sangkai a pito so kabonoa ko taw a kiyaramo Allah inontabo o sabap ko kabnar . Ago adna mama a inipaka-iza iyan ko Rasoulollah (s.a.w.) o antona-ay pinakamala a dosa si-iko Allah na pittaro iyan: “So kikowa-anka ko Allah sa sakotowa Iyan a inadun ka Niyan” Pittaro pumano mama a oriyanoto na antona-a puman? Pittaro iyan: “So kabono angka ko wata aka sabap sa kaluk ka oba maka-atoang ko pangnungkun ka” pittaro pumano mama a oriyanoto na antona-a puman? Pittaro iyan: “So kazinaingka ko marandongo siringan ka” na initorono Allah so kattaro Iyan sa Qur’an:
((والـذيـن لا يـدعـون مـع الله إلـهـا آخـر
و لا يـقـتـلون النـفـس التى حـرم الله إلا بالحـق و لا يـزنون))
“Agoso
siranoto a di iran ippanakoto so Allah sa salakawa tohan go di siran
ppamono sa taw a inisaparo Allah inontabo si-iko kabunar go di siran
puzina” [Surah Al-Furqan 25:68]Pittaro pun o Rasoulollah (s.a.w.):
((إذا التـقى المسـلمان بسـيفهـما فالقـاتل و المقتـول فى النار)) قيل: يا رسول الله هذا القـاتل فـما بال المـقـتول؟ قال: ((لانه كان حريصا على قتل صاحبه))
“Igira a miyakattalabok so goma-ano dowa a Muslim (ka mitidawa siran) na so miyakapatay agoso miyapatay na (palaya) kkatago ko Naraka” Pittaro iran: Yaa Rasoulollah na giyoto na miyakapatay na inoto (pakaranaka) pun so miyapatay? Pittaro iyan: Kagiya mata-ana sukaniyan na mala mambo i panamar sa kapataya niyan ko pud iyan” [Bukhari, Muslim & Ahmad].Inosayoto o Imam Abo-Solaiman Yahya bin Ya’mar (rahimahollah) a pittaro iyan: Giyanan na amay ka kunao ba aya gi-iran tidawa-an na ba so patot a maka-aayon ko kabaya o Islam ka aya gi-iran tidawa-an na sabap ko kapriridoay odi na kazaranga odi na bbabaya sa tamok ago kadato odi na bantogan. Amay puman ka so taw na aya initidawa iyan na so manga dorowaka si-iko ropa-ana miyawajib so kimbonoayn kiran odi na sabap ko lindingo taw ko ginawa niyan agoso pamiliya niyan sa diron kamoralai na di pud sangkai a Hadith ka sabap sa minitugulon a kiyapaka-ato niyan ka parihala iyan sa ginawa niyan go so pamiliya niyan ka katawan iyana aya kkamorala-ano di ato. Giyotowi sabap a da mapud sangkai a miya-aloya Hadith . So Allah i lubiya matao. Ago pittaro o Rasoulollah (s.a.w.):
((لا تـرجـعـوا بـعـدى كـفـارا يـضـرب بـعـضـكـم رقـاب بعض))
“Di kano pumbalingan ko kakapiri ko oriyan akun sa ba pumbonoa o saba-ad so saba-ad” [Pudai ko mori a insana o Rasoulollah (s.a.w.) ko mori niyana kapnaihajji]Ago pittaro puno Rasoulollah (s.a.w.):
((لا يـزال الـعـبـد فى فـسـحة مـن ديـنـه ما لـم يـصب دمـا حراما))
“Midadayon dun o oripun a kapangongondaya iyan ko agama niyan taman sa di makatudak sa rogo a inisapar (so kabonoawn). [Bukhari, Muslim, Tirmidhi, Ibn Majah & An-Nisai].Ago pittaro puno Rasoulollah (s.a.w.):
((أول مـا يـقـضى بـيـن النـاس يـوم الـقيـامـة فى الدمـاء))
“Aya pagampaganaya kokomun ko pagulut-luto manga manosia sa Alongana Qiyamah na so bono”. [ So 2-Shiekh, At-tirmidhi, An-nisai, ibn Majah a po-ona totol ko Ibn Masoud (r.a.)]Ago pittaro puno Rasoulollah (s.a.w.):
((لـقـتـل مـؤمـن أعـظـم عـنـد الله مـن زوال الـدنـيـا))
“Sabnara so kabonoa ko miyaratiyaya na mala a tanto ko Allah a di so kasudupo donya” [An-Nisai & Al-Baihaqi] –Ma-ana mala i arga ko Allah so Mu’min a di so Donya.Ago pittaro puno Rasoulollah (s.a.w.):
((الكبـائـر الاشـراك بالله، و قـتـل الـنـفـس، و الـيميـن الغـمـوس))
“Aya pinaka manga ala a dosa (Kabair) na so kipanakoton ko Allah, (tomondogon) so kapamono sa taw, (tomondogon) so kazapa sa gamos”-bittowan sa gamos ka kagiya kisombo niyan so taw ko Naraka. [Bukhari, Muslim & An-Nisai].Ago pittaro puno Rasoulollah (s.a.w.):
((لا تـقـتـل نـفـس ظـلـما إلا كان عـلـى
ابـن آدم الاول كـفـل مـن دمـهـا لانـه أول مـن سـن الـقـتـل))
“Dapuna
taw a bono-ona kasalimbotan inonta na adna bagianono o wata o Adam ko
(dosa ko) kiyatudaka ko rogo iyan ka sabap sa suka-niyan i paganaya
nggolawla (a marawat) ko kapamono” [Bukhari & Muslim].Ago pittaro puno Rasoulollah (s.a.w.):
((و مـن قـتـل مـعـاهـدا لـم يـرح رائـحـة الجـنـة،
و إن رائـحتـها لـتـوجد مـن مـسيــرة أربـعـيـن عـامـا))
“Sadun
sa makapatay sa taw a mananarig na di dun makabaw ko kanayo o Sorga, go
mata-ana so kanayo o Sorga na makasasampay ko aya kawatan iyan na
patpolo ragona iplalakaw ron”. [Bukhari].Ilaya niyo man ka opama ka so kabonoa ko taw a mananarig a giyoto so Yahodi odi na Christian a mababaling ko inguda Islam a komokowa siranon sa kasarigan sa di kiran kamoralai na mala a tanto a dosaon na ayapun di mala a kadosta-an so kabonoa ko lagido taw a Muslim.
Ago pittaro puno Rasoulollah (s.a.w.):
((ألا و مـن قـتـل نـفـسا معـاهـدة لهـا ذمـة الله وذمـة رسـوله فـقد أخفر ذمة الله و لا يرح رائحة الجنة، و إن ريحها ليوجد من مسيرة خمسين خريفا))
“Pananggila kano ka sadun sa makapatay sa taw a mananarig a so niyawa niyan na misasarig ko Allah agoso siyogo Iyan na mata-ana miyabaroba iyan so sarig ko Allah go di dun makabaw ko kanayo o Sorga, go mata-ana so kanayo iyan na makasasampay ko (aya kawatan iyana) limapolo ragona iplalakaw ron” [At-Tirmidhi]Ago pittaro o Rasoulollah (s.a.w.):
((من أعـان على قـتـل مسـلـم بـشـطـر كـلـمـة لـقى الله
مـكـتـوب بين عـيـنـه آيـس مـن رحـمة الـلـة تـعـالـى))
“Sadun
sa taw a makaogop ko kabonoa ko Muslim sa satagabo a kattaro na
mipumbaratumowa iyan so Allah a misosorat ko pagulutano dowa mata niyan
so “miyapokas ko limo o Allaho Ta-ala”. [Imam Ahmad].Ago pittaro puno Rasoulollah (s.a.w.):
No comments:
Post a Comment