MGA BETAD O BAE SA SORGA

1-SO SORGA AGOSO MAPAPADALMON A MGA KAMAPIYAAN NA KNABA MAT’TNDO A PARABO KO MGA DATO A DIYON PD SO MGA BAE, KA MATAAN MAN A SO SORGA NA INITIYALAGAD ANAN KO MGA MAALKN A MASANGGILA, AYA KATHARO O ALLAH SII SA SURAH AAL-IMRAN AYAT A 133 NA KATAYA (وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ) MAANA: NA PAMAKOTI NIYO SO MAAP A POON KO KADNANIYO AGOSO SORGA A AYA KABLANG IYAN NA KABLANG O MGA LANGIT GOSO LOPA A INITHIYAGAR KO MIYAMANANGGILA.

SA GIYANGKANAN A KIYAALOY SAN A MIYAMANGGILA NA NDATAR SAN SO MGA DATO GOS MGA BAE, DATAR O KIYAPANOTHOLA RKITANORON O KADNAN TANO SII SA SURAH AN-NISA AYAT A 124 (وَمَن يَعْمَلْ مِنَ الصَّالِحَاتَ مِن ذَكَرٍ أَوْ أُنثَى وَهُوَ مُؤْمِنٌ فَأُوْلَـئِكَ يَدْخُلُونَ الْجَنَّةَ وَلاَ يُظْلَمُونَ نَقِيراً) MAANA: NA SA TAW A NGGALBK KO MGA PIPIYA A PD KO MGA DATO GOSO MGA BAI A SKANIYAN NA MAPAPARATIYAYA, NA SIRANMAN I PHAMAKA SOLD KO SORGA, NA DA A MASALIMBOT KIRAN A ISABO A PSO A OD A KORMA.

NA AYA PATOT KO MGA BAI NA DISERANDN PANGANDAM O ANTUNAA I MAPMBTAD IRAN SA SURGA KA KIYATANGKAANDN A AYABO A KATOKAWAN IRAN NA GIYABO A KAPAKA SOLD IRAN SA SORGA NA KADA SO LANGOWANTAMAN A KIYASAGADAN IYAN A KAMARASAYAN SA AYAKISAMBION NA TAROTOP A KAPIPIYA GINAWA A TATAP, SA KIYATANGKAAN KIRANDN SO KATHARO O ALLAH SII SA SORAH AL-HIJR AYAT A 48 (لاَ يَمَسُّهُمْ فِيهَا نَصَبٌ وَمَا هُم مِّنْهَا بِمُخْرَجِينَ) MAANA: DA A PHAKATALINGOMA KIRAN ROO A DOKAW, NA GO DISIRAN ROODN PHAMAKA AWA. KIYATANGKAAN KIRANDN SO KATHARO O ALLAH SA SORAH AZ-ZUKHROF AYAT A 71 (وَفِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ وَأَنتُمْ فِيهَا خَالِدُونَ) MAANA: GO MATATAGOON SO PKABABAYAAN SKANIYAN O MGA GINAWA, GO IKHASOAT O MGA MATA, NA SKANO NA MAKAKAL KANO RON DN. KIYATANGKAANGKIRAN DN SO KATHARO O ALLAH SA SORAH AL-MAIDAH AYAT 119 (رَّضِيَ اللّهُ عَنْهُمْ وَرَضُواْ عَنْهُ) MAANA: MIYASOAT KIRAN SO ALLAH NA MIYASOAT SIRANON MAMBO.

SIIKO KAPKHAALOY O SORGA GOSO MGA KAMAPIYAAN ROO A MGA PANGN’NGKN GO MGA PANGILAYLAYN A MIYAMAKA PIYAPIYA, AGO MGA WALAY (MGA DARPA) GO MGA NDITARN, NA NDATAR SAN DN SO MGA DATO GOSO MGA BAI, AYABO A LAMBA NA SO KIYATIYALAGADI KO MGA DATO SA MGA MIDADARI,,,NA DA A MINITIYALAGAD KO MGA BAI A DATAR OTO,,,,NA IGIRA NA DII MAPAMIKIR O MGA BAI O ANTUNAY SABAP OTO????

SMBAG KO MGA BAI O ANTUNAY SABAP OTO:

1-MATAAN A SO ALLAH NA DIRON KIISHA SO NGANIN A DINIYAN NGGOLAOLAAN KA SIRAN I KAISHAAN, AYA KATHARO O ALLAH SA SORAH AL-ANBIYA AYAT A 23 (لَا يُسْأَلُ عَمَّا يَفْعَلُ وَهُمْ يُسْأَلُونَ) MAANA: DIRON KHIISA SO DIINIYAN NGGOLAOLAAN, KA SIRAN I KHAISAAN. OGAID NA DA A MARATA SA MANGALOY TANO SA PD A MGA HIKMA A PD SA MGA NASS A SHAR-IYA GO PD SA MGA PAKA ASAL O AGAMA ISLAM (USOL AL-ISLAM).

2-PD SA TABIAT O MGA BAI NA SO MITATARALO A KAYA SA DATAR DN O KATAWE TANORON, NA SO ALLAH NA DAADN KO SORGA SA IKHADALION O MGA BAI, DATAR O MGA KAROMA KA IKHAYA IRAN OTO.

3-SO KITATARALO A KIKAKADALIIN GO BABAYA O MGA MAMA KO MGA BAE NA KNABA DATAR O MGA BAI, KA SO MGA BAE NA SII MITATARALO A KBAYAA IRAN GO KADALIIRAN KO MGA ITATANOSAN (PAMPAGANDA).

4-AYA KATHARO I SHAIKH UTHAIMIN: AYAMAN A KIYAALOYA O ALLAH KO MGA KAROMA A MGA BAI SA SORGA A PARA KO MGA DATO NA KAGYA SO MANGA MAMA NA SIRAN I DIIMBABANOG, GO SIRAN I MALA I BABAYA KO MAGA BAI, NA GIYOTO I SABAP A KIYAALOY O MGA BAI SIISA SORAGA A PARA KO MGA MAMA, NA DABAON PARA KO MGA BAI, NA KNABA AYA MAANA OTO NA BADA MAMBO A KAROMA ROO O MGA BAI, KA ADN A KAROMA IRAN ROO A PD SA MBAWATAAN O ADAM.

SO MGA BAI NA DIDN PHAKA LIYO SO BTAD IRAN SA DUNYA SA GIYANGKAI A PHAMAKA TALINGOMA:

A-BAI A MIYATAY A DADN MAPANGAROMA.

B-BAI A INDAAN (INIMBLAG) O KAROMA NIYAN SA MIYATAY NA DADN MAKA PANGAROMA PHAROMAN.

C- MIYATHAY A ADN A KAROMA NIYAN OGAID NA DI PHAKASOLD SO KAROMA NIYAN SA SORGA.

D-BAI A MIYAKAPANGAROMA NA MIYATAY BADN MAUNA ADISO KAROMANIYAN.

E-BAI A MIYATAY SO KAROMANIYAN (MIYABALO) NA DADN MAKA PANGAROMA PHAROMAN TAMAN SA BABO MIYATAY.

F-BAI A MIYATAY SO KAROMA NIYAN NA MIYAKA PANGAROMA PHAROMAN.

GIYANAN I MGA BTAD O MGA BAI SA DUNYA NA SO KALANGOWAN ANAN NA ADN A BALA IYAN SA SORGA:

A- SO BAI A MIYATAY A DADN MAPANGAROMA NA PAKI PANGAROMA O ALLAH SII SA SORGA SA MAMA A PD SA MBAWATAAN O ADAM. AYA KATHARO O RASUL (SAW) KO MAANA NIYAN: (DA A BA SINGLE SA SORGA (MAANA DAA KAROMANIYAN). AYA KHATARO I SAIKH IBN UTHAIMIN NA : IGIRA DA MAPANGAROMA SO BAI SA DUNYA NA PAKI PHANGAROMA O ALLAH SA SORGA SA SADN SA KABABAYAANIYAN A MITAGPDA IYAN, SABAP SA SO MGA KAMAPIYAAN KO SORGA NA KNABA MATTNDO A PARABO KO MAGA MAMA, KA PDON SO MGA BAE, NA PD SA MGA KAMAPIYAAN ROO NA SO KAPAKAPANGAROMA.

B- DATAR BO MAMBO OTO SO BAE A INIMBLAG O KAROMANIYAN NA MIYATAY SA DA MAKAPANGAROMA PHAROMAN.

C- DATAR PN MAMBO OTO SO BAI A MIYAKA SORGA NA DAMAKA SORGA SO KAROMANIYAN. AYA KATHARO I SAIKH IBN UTHAIMIN NA: SO BAE NA IGIRA A MIYAKA SORGA A DA MAKAPANGAROMA SA DUNYA, ODI NA AYA KAADNAN IYAN NA MIYAKA SORGA NA DAMAK SORGA SO KAROMANIYAN, NA ADN A MGA DATO ROO SA SORGA A PD SA MBAWATAAN O ADAM A DAMAMBO MAMAKA PANGAROMA NA PAKI PHANGAROMA KIRAN O ALLAH.

D- SOPMAN SO BAI A MIYABALO (MIYATAY SO KAROMANIYAN) NA DADN MAKA PANGAROMA PHAROMAN NA AYADN A MAKA PHANGAROMAON ROO NA SO KAROMANIYAN SA DUNYA.

E- DATAR MAMBO OTO SO MGA BAE A MIYAONA MATAY ADISO MGA KAROMA IRAN, NA AYADN A MAKA PHANGAROMA KIRAN ROO NA SO KAROMAIRAN SA DUNYA.

F- SOPMAN SO BAI A MIYATAY SO KAROMANIYAN NA MIYAPANGAROMA PHAROMAN NA NA AYA MAKAPANGAROMAON SA SORGA NA SO MIYAORI ORI A KAROMANIYAN. AYA KATHARO O RASUL (SAW) KO MAANA NIYAN: SO BABAY NA BAGIAN O MORIPORI A KAROMANIYAN. AYA KATHAROPN I HUJAIFA KO KAROMA NIYAN NA: O KABAYA AKA A KAROMAAKN SKA TAMAN SA SORGA NA BAKA PAKI PANGAROMA KO ORIYAN AKN, KA MATAAN A SO BAI SA SORGA NA BAGIAN O MORIPORI A KAROMANIYAN SA DUNYA, NA GYOTO I SABAP A HARAM SO KAPAKA PANGAROMA PHAROMA O MGA KAROMA O NABI (SAW) KAGYA MGA KAROMANIYAN SIRAN SA SORGA.

MAS-ALA: IGIRA NA PKASALAK A PKIISA O MGA TAW SO MIYAALOY KO DUWAA KO DIIKASAMBAYANGI KO MIYATAY A (وأبدلها زوجا خيرا من زوجها) MAANA: GO SAMBIINGKA SKANIYAN SA KAROMA A MAPYA ADISO KAROMANIYAN. NA IGIRA A AYAKAADNANIYAN NA ADN A KAROMANIYAN NA PANON I KIPNDOWAAN TANO SA DUWAA OTO A ANDANG DN A KATAWAN TANO A AYAKIKAROMAON SA SORGA NA SO KAROMANIYAN SA DUNYA, OR DA MAPANGAROMA NA ANDAY KAROMANIYAN????

SMBAG: AYA KATHARO I SAIKH IBN UTHAIMIN NA : IGIRA AYA KAADNAN O BAI NA DAMAPANGAROMA NA AYA MAANA NIYAN NA MAPYA ADISO MKAPANGAROMAON O MIYAKAPANAGROMA MAMBO. NA IGIRA PMAN A AND A KAROMANIYAN NA AYA MAANA NIYAN NA AYA SAMBIAN O ALLAH NA SO MGA SIPAT O KAROMA NIYAN SA DUNYA, KAGYA SO KASAMBI NA PKAADN KO ADN A MGA LAWAS IYAN SA DATAR O KAPHASAANGKA KO KAMBING SA AYA IMBAYADON NA ONTA (IBARAT BO ANAN) (KAMABAROKRIS). NA PKAADN PN SO KASHAMBI SA MGA ROPAAN DATAR O KATHAROANGKAON SA SIYAMBIAN O ALLAH SO KAKAPIRI A MAMA ANAN SA AYA INISAMBI IYANON NA PARATIYAYA.

MIAYAALOY SA HADITH A (إني رأيتكن أكثر أهل النار...) MAANA: MATAAN A SAKN NA MIYAILAYAKN SKANO (MGA BAE) A AYA MADAKL KO TAGO O NARAKA. AND PN A HADITH A (إن أقل ساكني الجنة النساء) MAANA: MATAAN A AYA MAITO A MABABALING KO SURGA NA MGA BAE. ADN MAMBO A MIYAALOY SA HADITH A SURANG A DUWA ANAN A HADITH A (ولكل واحد منهم زوجتان) MAANA: BAGIAAN O MGA DATO SII SA SURGA SO DUWAKATAW A BAE A PD SA MBAWATAAN O ADAM. SABAP SA MGA HADITH AYA NA MISOPASOPAK SO MGA ULAMA O INO SO MGA BAI NA SIRAN I MADAKL KO SORGA O SIRAN I MADAKL KO NARAKA???? KATAYA SO MGA TINDGON O SABAAD KOMGA ULAMA:

1-AYAKATHARO O SAGOROMPONG KO MGA ULAMA NA SIRAN I MADAKL KO SORGA NA SIRAN PN I MADAKL KO NARAKA SABAP SA KADAKL IRAN A TANTO. AYA KATHARO I QADHIY IYADH NA: (النساء أكثر ولد آدم) MAANA: SO MGA BAE I MADAKL A MBAWATAAN O ADAM.

2- PITAHORO MAMBO O SABAAD KO MGA ULAMA: SIRAN (MGA BAE) I MADAKL A TAW KO NARAKA KO PAGANAY A DAPN SO SAPAAT, ORIYANIYAN NA SIRAN PMAN I MADAKL KO SORGA ORIYAN O KASAAPAAT IRAN SA MADA SIRAK KO NARAKA, GO ORIYAN O RAHMA O ALLAH KO MGA TAW KO NARAKA SA TAMAN SA DADN A MALAMBA A TAW KO NARAKA A DIITHARO SA: (لا إله إلا الله), SA SO MGA BAI IMADAKL KO SORGA.

AYA KINANGLAN NA MAKAPANAMAR SO MGA BAE SA DIMBALOY A PD KO TAGO O NARAKA.

NA AMAY KA MAKASOLD SO MGA BAI SA SORGA NA IKHASOY KIRAN O ALLAH SO MGA KANGODAIRAN KOSO KARARAGAIKIRAN SABAP KO KATHARO O RASOL (SAW) : (إن الجنة لايدخلها عجوز....) MAANA: MATAAN A SO SORGA NA DAA PKASOLDON A LOKS.

MIYAALOY KO PD A MGA TOTHOL O MIYANGA OONA (الآثار) A SO MANGA BAE SA DUNYA A PHAMAKA SORGA NA MAS MGA TATAID SERA ADESO MGA MIDADARI SA DIBON PIPIRATAKP A MGA KATAID.

AYA PINAKA MASLA A KAMAPIYAAN SA SORGA A KNABA SIIBO KO MGA MAMA NA SO KAKHAILAYA O MGA PAMAKA SORGA KO KADNANIRAN (SO ALLAH) SA AYADN A KIILAY RANON NA SO MGA MATA IRAN. AYA KATHARO RASUL (SAW) NA: (إنكم سترون ربكم، كما ترون هذا القمر، لا تضامون في رؤيته فإن استطعتم أن لا تغلبوا على صلاة قبل طلوع الشمس وقبل غروبها فافعلوا) MAANA: MATAAN A SKANO NA KAILAY NIYO SO TUHAN IYO, SA DATARDN A KAPKAILAYA NIYO SA GIYANGKANAN A ULAN, SA DIKANORON SIRANGN KO KAPKHAILAYA NIYORON, AMAY MAMBO KA SKANO NA DIKANO TABAN’N KO KIPTINDGN IYO KO SAMBAYANG KO ONAAN O DAKASBANG O ALONGN (FAJR) AGOSO SAMBAYANGM KO ONAAN PN O DA KASDP O ALONGAN (MAGRIB) NA NGGALBKA NIYO.

SABAP SAN MGA BABAY AMI NA SO SORGA NA PIPHARASAN SA KNABA PARABO KO MGA MAMA KA PARA KO MGA MIYAMANANGILA A BABAY MAMA, NA PANAMARI O PITANGGISAAN SO GALBK A KASABAPAN SA IPHAKA SOLD IYAN SA SORGA, NA PANANGILAINIYAN SO NGANIN A IPHAKA NARAKA IYAN, GOSO MGA GALBK I DI MGA PIPIYA DATAR O (KASAWA SA AWRAT, KAMBANGKALA SA MALIGT, KARATAI ADAT KO KAROMA, KA PAMAGANTA, KASOROYAN, AYA MALA NA KABAGAK SA SAMBAYAN, KABOKA KO RAMADAN A DAABA SABAP GOSO SALAKAW SAN A MGA RARATA A DADABIATAN).

PANGNINKO KO ALLAH A BADN MAMBAGIAN O MGA BAE SO SORAGA SA MBALOY SIRAN A MIYANGATOTORO KO ONTOL A LALAN GO MGA DIIMANOLON KO AGAMA A ISLAM, NA AWATN KIRAO O ALLAH SO MGA SAITAN A MGA TAW AGO MGA JINN A PHAKASOGO KIRAN KO MGA RARATA A GALBK A DI IKHASOAT O ALLAH. AMIEYN…