Giyayai Panarima (Aqeedah) nago Tindeg (Manhaj)
Pitowa: (Paka-asal angkaya mga ktharo na phoon sa basa English. Na araparap sa kapakasagogod nago kaliwanag a kasaboti sangkaya a mga katharo na so mindiyorobasawn sa basa Iranon na kiyapangomanan nago kiyapllbatan niyan sa da ma pira taga ka kalo-kalo na mamondas so titho a mapipikiron a mapiya. Adn a mga katharo a da tano dn alina ka sabap ko badn phakawatan so maana niyan. So pman so diyorobasa ko mga ayat sa Qur’an na sii tano dn kinowa ko diyorobasawn i Shaykh Abdulaziz Guro Alim Saromantang)
Assalamualaikum warahmatullahi wabarakatuh
Sa kataya na piphalapalad ami rkano!
Giyayai Panarima (Aqeedah) nago Tindeg (Manhaj) ami
So langowan a bantogan na rko Allah, biyantog tano skanyan, ron tano puphangangarongan, ron tano puphangni sa map. Lominindong tano Rkanyan phoon ko karataan o mga ginawa tano, nago phoon ko karataan o mga koatan tano. Sadn sa toro-on o Allah na dadn a bawn makadadag, na sadn pman sa di toro-on o Allah na dadn mambo a makatoro-on. Pizaksian tano a da zimbaan a romowar ko Allah nago so Muhammad (saw) na Siogo (Rasul) a moripori a Rasul.
Oriyan nyan/Sabap san,
Alhamdulillah ka piyakambarakat o Allah a giya Mimbar Ansarud Deen piphalapalad iran sa ginawa niyo a giya ngkaya a kiyapayaga ko mga osayan a importante
Pitharo o Imam Shafi’i “So Allah na dadn a tiyarima iyan a kiyambaalan nyan a kompleto a da a sanin-saning iyan na inonta na so Kitab iyan a Qur’an. Sii ko kitab a (Jamal al-Quraa wa kamaal al-Aqraa a inisorat e As-Sakhawee)
Pangimbnar ko Panarima (Aqeedah) ago Sabot (Fiqh)
Tatarimaan ami a aya todao a ontol a Pangimbnar ko Tindg (Aqeedah), Sabot (Fiqh) odi na Tindg (Manhaj) na sii bo phoon a titho (authentic) ko Quran ago hadiths/sunnah, sa lagid o kiyasabotawn o mga salaf as-salih (siran so mga Sahaba a inupda o Rasul s.a.w., so mga Tabi-en – miyamakatondog kiran, Ta’ba at-Tabien – mga miyakatondog kiran pman) na giyayay mapapayag a okit o Ahlu Sunnah wal Jamaa’ah.
وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَىٰ وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّىٰ وَنُصْلِهِ جَهَنَّمَ ۖ وَسَاءَتْ مَصِيرًا
“Na sadn sa sorangn Iyan so Rasol ko oriyan o kiyapayag on o toroan, go komdg sa salakaw ko okit o miyamaratiyaya, na pakaantapn Ami skaniyan ko inantapan iyan, go pakasoldn Ami skaniyan ko naraka Jahannam, - a mikharatarata a khabolosan!” (4:115)
وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللَّـهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَدًا ۚ ذَٰلِكَ الْفَوْزُ الْعَظِيمُ
“Na so manga paganay a miyangaoona ko manga Mohajirin go so manga Ansar go so siran a miyamakatondog kiran ko kaphiyapiya, - na miyasoat kiran so Allah, go miyasoat siran on (mambo): Na pithiyagaran Iyan siran sa manga sorga a pphamangondas ko kababaan iyan so manga lawasayg, makakakal siran on sa dayon sa dayon: Giyoto man so daag a mala.” (9:100)
Tatarimaan ami a aya miyadn ko langowan a kaadn na so bo so Allah sa da a sakotowa iyanon, Skanyan e Paganay a da a ona’an nyan, Maporo a da phakalawanon, Marani ko oripn nyan sa da a bawn phakalawan sa karani, Skanyan e miyangadn nago Skanyan e Thatandingan ko langowan awg, Soti a so langon taman na sii sa Tangan Nyan.
هُوَ الْأَوَّلُ وَالْآخِرُ وَالظَّاهِرُ وَالْبَاطِنُ ۖ وَهُوَ بِكُلِّ شَيْءٍ عَلِيمٌ
“Skaniyan i Pagampaganay go Moripori, go Mapayag go Masoln; go Skaniyan sii ko langowan taman na katawan Iyan. (57:3
إِنَّ رَبَّكُمُ اللّهُ الَّذِي خَلَقَ السَّمَاوَاتِ وَالأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُغْشِي اللَّيْلَ النَّهَارَ يَطْلُبُهُ حَثِيثاً وَالشَّمْسَ وَالْقَمَرَ وَالنُّجُومَ مُسَخَّرَاتٍ بِأَمْرِهِ أَلاَ لَهُ الْخَلْقُ وَالأَمْرُ تَبَارَكَ اللّهُ رَبُّ الْعَالَمِينَ
“Mataan! a aya Kadnan iyo na so Allah, a miyadn ko manga langit ago so lopa sa miyakanm alongan, oriyan iyan na mithakna ko aras: Ipndalong Iyan so gagawii ko dawndaw, na pphakitondog Iyan on sa magaan: Go (inadn Iyan) so alongan, go so olan, go so manga bitoon a pawnotonot ko sogoan Iyan. Tanodan ka rk Iyan so kiyapangadn go so sogoan; Soti so Allah, a Kadnan o manga kaadn!” (7:54)
Tatarimaan ami a aya antap o kaphagin’tao o langon o kaadn na so kasimbaa iran ko Allah sa dadn a sakotowa Iyan, sa so kasimba na kapangangarongan a ginawa, kapangongonotan. So bo so Allah e pagonotan ko nganin san a masoln a katharo ago galbk (pangimbnar, katharo ago galbk o puso) nago so mapayag (pukhapayag o dila ago so anggawta o lawas)
وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ
“Na da a kiyaadna Ko ko manga jinn go so manga manosiya, a rowar sa ana Ko iran mazoasoat.” (51:56)
قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ، لاَ شَرِيكَ لَهُ وَبِذَلِكَ أُمِرْتُ وَأَنَاْ أَوَّلُ الْمُسْلِمِينَ
“Tharoang ka a: "Mataan! a so sambayang akn, go so simba ko, go so kawyagoyag akn, go so kapatay akn, na rk o Allah a Kadnan o manga kaadn. Daa sakotowa Iyan: Na giyaya i inisogo rakn, go sakn i paganay ko mimbabayorantang (ko Allah)”. (6:162-163)
Tatarimaan ami a so oripn na di nyan makowa so antap o kaphagin’tao, taman sa di nyan mataplis so mga Taghout (nganin san a pzimbaan, puphagonotan a salakaw ko Allah sarta a phagayonan nyan). Nago Tatarimaan ami so Allah a isa-isa (ko kapakararangkom o Katotohan iyan, mga Ingaran nago Ropaan nyan, na Skanyan bo e khikabnar ko kasimbaawn, kaonoti ron, kaonoti ko ron ko pithibarangan a shai’ ko kaphagin’tao) sa giyaya Kapakaisa-isaa ko Allah توحيد الله , nago giyayai titho a maana o La ilaaha illa Allah لا إله إلا الله (Pagampaganay nago Moripori a atastanggongan o oripn)
ۚ فَمَن يَكْفُرْ بِالطَّاغُوتِ وَيُؤْمِن بِاللَّـهِ فَقَدِ اسْتَمْسَكَ بِالْعُرْوَةِ الْوُثْقَىٰ لَا انفِصَامَ لَهَا ۗ وَاللَّـهُ سَمِيعٌ عَلِيمٌ
“Na sadn sa ongkirn iyan so manga Tagot, a paratiyayaan iyan so Allah na sabnar a miyakakapt sa rambit a mabagr, a da a ikhathpd iyan, na so Allah na Pphakan'g, a Matao”.
Tatarimaan ami a aya pinaka-mabagr a gakot o Tawhid na Babaya ago Rarangit (Al Walaa wal Baraa), maana nyan na so babaya ko Allah ago so kaphagampli ron nago so kaphagampili ko mga miyamaratiyaya sa sowat sowat rkanyan a Allah. Khararangit kami na Khasisingay ami so mga tao a miyamangongkir (Tawagheet – ribat a pangintohan nago so mga mo-onot san). Sa giyaya so kiyapangintohan o nabi tano a Ibrahim (as) – (Millaat Ibrahim)
قَدْ كَانَتْ لَكُمْ أُسْوَةٌ حَسَنَةٌ فِي إِبْرَاهِيمَ وَالَّذِينَ مَعَهُ إِذْ قَالُوا لِقَوْمِهِمْ إِنَّا بُرَآءُ مِنكُمْ وَمِمَّا تَعْبُدُونَ مِن دُونِ اللَّـهِ كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاءُ أَبَدًا حَتَّىٰ تُؤْمِنُوا بِاللَّـهِ وَحْدَهُ إِلَّا قَوْلَ إِبْرَاهِيمَ لِأَبِيهِ لَأَسْتَغْفِرَنَّ لَكَ وَمَا أَمْلِكُ لَكَ مِنَ اللَّـهِ مِن شَيْءٍ ۖ رَّبَّنَا عَلَيْكَ تَوَكَّلْنَا وَإِلَيْكَ أَنَبْنَا وَإِلَيْكَ الْمَصِيرُ
“Sabnar a adn a bagian iyo a ladiyawan a mapiya sii ko Ibrahim, go so manga pd iyan, gowani a tharoon iran ko pagtaw iran a: "Mataan! a skami na angiyas kami rkano, go so pzimbaan iyo a salakaw ko Allah; inongkir ami skano; go miyapayag ko lt ami ago so lt iyo so rido go so rarangit, sa dayon sa dayon, taman sa di niyo paratiyayaan so Allah a Isaysa Skaniyan" inonta so katharo o Ibrahim ki ama iyan: "Mataan a ipangni akn ska dn sa maap, na da a kapaar akn a mapmbagian ka a phoon ko Allah a mayto bo" - "Kadnan ami, Ska bo i siyarigan ami, go sii kami Rka bo pmbalingan, go sii Rka so khabolosan."
لَّا تَجِدُ قَوْمًا يُؤْمِنُونَ بِاللَّـهِ وَالْيَوْمِ الْآخِرِ يُوَادُّونَ مَنْ حَادَّ اللَّـهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ۚ أُولَـٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ ۖ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ رَضِيَ اللَّـهُ عَنْهُمْ وَرَضُوا عَنْهُ ۚ أُولَـٰئِكَ حِزْبُ اللَّـهِ ۚ أَلَا إِنَّ حِزْبَ اللَّـهِ هُمُ الْمُفْلِحُونَ
“Daa khatoon ka a pagtaw a paparatiyayaan iran so Allah ago so alongan a mawri a ba iran pkhababayai so taw a siyorang iyan so Allah ago so sogo Iyan, apiya pn siran na manga loks siran, odi na manga wata iran, odi na manga pagari ran, odi na manga tonganay ran. Siran man na inisorat Iyan ko manga poso iran so paratiyaya, go inibagr Iyan kiran so limo a phoon Rkaniyan; go phakasoldn Iyan siran ko manga sorga a pphamangondas ko kababaan iyan so manga lawasayg, makakakal siran on. Miyasoat kiran so Allah, go miyasoat siran Rkaniyan. Siran man i tampil ko Allah; ba di mataan! a so tampil ko Allah; na siran i phamakadaag?” (58:22)
Tatarimaan ami a aya linang a paratiyaya na so gii matharo (o puso ago dila) go so gii mikho-at (o puso ago dila), sa phagonga sa mga piyaya a galbk, nago phagonga sa mga rarata a galbk, sa aya phakapnas san na so mga ala a kapanakoto, ka-ongkir, kapmonafiq, odi na kambabago (bid’ah)
Pitharo e Abdur-Razzaaq Ibn Hammaam, “miyaneg akn si Ibn Khareej, Sufyaan ath-Thawree, Ma’mar, Sufyaan Ibn ‘Uyaynah ago Maalik Ibn Anas sa miya aloy “So linang a paratiyaya na katharo ago galbk, phagozor nago pukhadarodos” (Al-Inqita – p. 34)
Pitharo e Imaam Shafi’i “So linang a paratiyaya na katharo ago galbk, phagozor nago pukhadarodos” (Manaaqibush Shaafi’ee – 1/387)
Tatarimaan ami a aya pondiyong o paratiyaya ko Allah (rakz o Tawhid), goso mga Malaikt, goso mga Kitab, goso mga Rasul, so Alongan a maori, goso okoran a mapiya ago marata.
Pitharo o Rasul (saw): aya linang a paratiyaya na so kathomangkdi ko Allah, so mga Malaikat, so mga Kitab, so mga Rasul, so Alongan a maori, nago so kathomangkdi ko okoran a mapiya ago marata. (Sahih Bukhari)
Tatarimaan ami a aya okit a kkdgn ami na so mazokod a lalan (Wasta), paglutan o miyangalampas ago so mindadarainon ko galbk a ka-Islamiyyah, paglutan o mga khawariji ago mga murjiah - san ko Paratiyaya, pagulutan o mga jabariyyah ago mga qadariyyah - san ko Okor, pagulutan o mga Muatillaah ago mga Mushabiah – san ko mga ingaran nago mga ropaan o Allah s.w.t.
Pitharo o Rasul (saw): “So Agama na miyakalbolbod, sadn sa tao pakaphunedan nyan a ginawa nyan sa pphangalampas na di nyan dn magaga oba nyan mitataros. Sabap roo na di kinanglan oba kano pphangalampas, ogaid na panamari niyo a kikisampay niyo pithamanan a kapiya nyan, nago pakapipiyaa niyo a ginawa niyo sa khaparoli niyo so balas; nago phagopamarg kano sabap ko mga samba niyo Rkanyan ko mga kadadaondaw nago mga kagagawii” – Sahih Bukhari nago Fathul Bari
Tatarimaan ami a aya Agama (okit-okit o kaphagin’tao) a Islam na tarotop sa aya kinggay nyan na tarotop a toro’an ko nganin a pirikharikhaban o kaphagin’tao, malagid o panarima antaa ka makapantag ko politika – bitikan ago kokoman, kawyagoyag, kaphagingd, dadabiyatan o pitanggisa’an, nganin san – sa aya Agama o Allah a Islam na giya ngkanan.
قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ، لاَ شَرِيكَ لَهُ وَبِذَلِكَ أُمِرْتُ وَأَنَاْ أَوَّلُ الْمُسْلِمِينَ
"Tharoang ka (Muhammad) a: "Mataan! a so sambayang akn, go so simba ko, go so kawyagoyag akn, go so kapatay akn, na rk o Allah a Kadnan o manga kaadn. Daa sakotowa Iyan: Na giyaya i inisogo rakn, go sakn i paganay ko mimbabayorantang (ko Allah)" . (6:162-163)
وَيَوْمَ نَبْعَثُ فِي كُلِّ أُمَّةٍ شَهِيدًا عَلَيْهِم مِّنْ أَنفُسِهِمْ ۖ وَجِئْنَا بِكَ شَهِيدًا عَلَىٰ هَـٰؤُلَاءِ ۚ وَنَزَّلْنَا عَلَيْكَ الْكِتَابَ تِبْيَانًا لِّكُلِّ شَيْءٍ وَهُدًى وَرَحْمَةً وَبُشْرَىٰ لِلْمُسْلِمِينَ
"Na (pakisaboting ka) so alongan a pakatindgan Ami so oman i pagtaw sa saksi kiran, a pd ko manga ginawa iran: Go pakatalingomaan Ami ska (ya Mohammad) a saksi ko siran aya: Na piyakatoron Ami rka so kitab a osayan ko langowan taman, go toroan, go limo, go tothol a mapiya ko mimbabayorantang (ko Allah)". (16:89)
Tatarimaan ami a aya sadn sa datu ko mga ingd a aya bitikan/kokoman nyan na salakaw ko Shariah o Allah (piyaka halal iyan so haram odi na piyaka haram iyan so halal) na skanyan na miyongkir a Taghout (ribat a pangintohan)
وَمَن لَّمْ يَحْكُم بِمَا أَنزَلَ اللَّـهُ فَأُولَـٰئِكَ هُمُ الْكَافِرُونَ
Na sadn sa di niyan ikokom so initoron o Allah, na siran man na siran i manga kapir. (5:44)
أَمْ لَهُمْ شُرَكَاءُ شَرَعُوا لَهُم مِّنَ الدِّينِ مَا لَمْ يَأْذَن بِهِ اللَّـهُ ۚ وَلَوْلَا كَلِمَةُ الْفَصْلِ لَقُضِيَ بَيْنَهُمْ ۗ وَإِنَّ الظَّالِمِينَ لَهُمْ عَذَابٌ أَلِيمٌ
Ba adn a manga sandogowa iran, a mimbaal kiran ko okit a so di sogoan skaniyan o Allah? Na o da so katharo a kokoman (a miyaona), na miyakokom siran dn. Na mataan! a so manga darowaka na adn a bagian iran a siksa a malipds. (42:21)
Pangimbnar ko Galbk a ka-Iislami
Tatarimaan ami a aya miyantindos o Allah a so Ummah na khabagi nago khaoparik, khaisaisa ko Qur’an nago Sunnah sa lagid o kiyasabotawn o mga Salaf sa paliyogat. Nago so kaOparik na a kinowa ko mga kanggroupo a inisapar o Shariah.
وَاعْتَصِمُوا بِحَبْلِ اللَّـهِ جَمِيعًا وَلَا تَفَرَّقُوا ۚ وَاذْكُرُوا نِعْمَتَ اللَّـهِ عَلَيْكُمْ إِذْ كُنتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا وَكُنتُمْ عَلَىٰ شَفَا حُفْرَةٍ مِّنَ النَّارِ فَأَنقَذَكُم مِّنْهَا ۗ كَذَٰلِكَ يُبَيِّنُ اللَّـهُ لَكُمْ آيَاتِهِ لَعَلَّكُمْ تَهْتَدُونَ
Go kpiti niyo so tali o Allah sa kasamasama niyo, go di kano pmblablag; go tadmi niyo so limo rkano o Allah; gowani ko mriridoay kano na tinimo Iyan so manga poso iyo, na miyabaloy kano so sabap ko limo Iyan, a magariyari; go miyatago kano ko thbaan o landng a apoy, na siyabt kano Niyan on. Lagid anan a kapphakaliwanaga rkano o Allah ko manga tanda Iyan: ka ang kano makakdg sa ontol. (3:103)
وَأَطِيعُوا اللَّـهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ رِيحُكُمْ ۖ وَاصْبِرُوا ۚ إِنَّ اللَّـهَ مَعَ الصَّابِرِينَ
Go onoti niyo so Allah go so sogo Iyan; go di kano pzoransorang, ka kaalapan kano go mada so bagr iyo; go phantang kano, ka mataan! a so Allah na babid o manga papantang. (8:46)
Tatarimaan ami a paliyogat rkami so kababaloy a Ummah sa giya koliling a dunya na maisa-isa sa maka-atag ko sakataw a olowan o kaphagingd (Khilafah) sa aya mga bitikan nago mga kokoman na so Shariah o Allah. Nago tatarimaan ami a so ka-ada o kaphagingd a Khilafah na paliyogat so kambabanogawn nago so kanggalbkawn sa kikasoy nyan.
وَأَنِ احْكُم بَيْنَهُم بِمَا أَنزَلَ اللَّـهُ وَلَا تَتَّبِعْ أَهْوَاءَهُمْ
Na kokomn ka kiran so initoron o Allah, go ding ka phangonoti so manga kabaya iran (5:49)
Pitharo o Rasul (saw) “… Nago sadn sa matay a da a bay’ah nyan (kabgay sa sapa) a misasanggalay ron (ko khilafa), na miyatay skanyan a Jahiliyyah” (Sahih Muslim)
وَالَّذِينَ كَفَرُوا بَعْضُهُمْ أَوْلِيَاءُ بَعْضٍ ۚ إِلَّا تَفْعَلُوهُ تَكُن فِتْنَةٌ فِي الْأَرْضِ وَفَسَادٌ كَبِيرٌ
Na so siran a da pamaratiyaya, na so sabaad kiran i manga wali ko sabaad: odi niyo (so kalangowan o mga muslim sa dunya na rangkom) to nggolawlaa (so kabaloy a maisaisa sa lagid o isa ka ndatuan a Khilafah), na khatagoan sa samok so lopa, go kapaminasa (kapangarasi, kathidawa, kapanakoto, nganin san) a mala. (8:73)
Tatarimaan ami a so Kapanampay (Dawah), Kisogo-on ko mapiya nago Kisaparn ko marata, goso Jihad na mga paliyogat anan ko pagtao rakz o pizakatawan ko diyangka a khagaga iran, masa a katitikakaw ago katantowan o btad.
فَاتَّقُوا اللَّـهَ مَا اسْتَطَعْتُمْ
Na kalkn iyo so Allah sa sadn sa khagaga niyo (64:16)
وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ ۚ وَأُولَـٰئِكَ هُمُ الْمُفْلِحُونَ
Na mbaloy so isa rkano ka sagorompong a ipphanolon iran so mapiya, go ipzogo iran so okit a mapiya, go ipzapar iran so marata: Na siran man na siran so phamakaslang sa maliwanag. (3:104)
فَمَن يُرِدِ اللَّـهُ أَن يَهْدِيَهُ يَشْرَحْ صَدْرَهُ لِلْإِسْلَامِ ۖ وَمَن يُرِدْ أَن يُضِلَّهُ يَجْعَلْ صَدْرَهُ ضَيِّقًا حَرَجًا كَأَنَّمَا يَصَّعَّدُ فِي السَّمَاءِ ۚ كَذَٰلِكَ يَجْعَلُ اللَّـهُ الرِّجْسَ عَلَى الَّذِينَ لَا يُؤْمِنُونَ
Na sadn sa kabaya o Allah a katoroa Niyan on, - na phakaloagn Iyan so rarb iyan ko kambayorantang; go sadn sa kabaya Iyan a kadadaga Niyan on, na mbaloyn Iyan so rarb iyan a maggt a masimpit, lagid oba pphanakdg ko kawang: Lagid oto a kipznggayn, o Allah ko siksa ko siran a di mapaparatiyaya. (6:125)
وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ ۚ يَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَيُقِيمُونَ الصَّلَاةَ وَيُؤْتُونَ الزَّكَاةَ وَيُطِيعُونَ اللَّـهَ وَرَسُولَهُ ۚ أُولَـٰئِكَ سَيَرْحَمُهُمُ اللَّـهُ ۗ إِنَّ اللَّـهَ عَزِيزٌ حَكِيمٌ
Na so miyamaratiyaya a manga mama, go so miyamaratiyaya a manga babay, na so sabaad kiran na manga panarigan o sabaad: Ipzogo iran so mapiya, go ipzapar iran so marata: Go ipthindg iran so sambayang, go pthonayn iran so zakat, go phagonotan iran so Allah go so sogo Iyan. Siran man na ikhalimo siran dn o Allah: Mataan! a so Allah na Mabagr, a Mawngangn.
كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ ۖ وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّـهُ يَعْلَمُ وَأَنتُمْ لَا تَعْلَمُونَ
Inipaliyogat rkano so kapakimbonoay (ko manga kapir), a skaniyan na ipkhagowad iyo, na thatana a adn a ipkhagowad iyo a aya rkano mapiya, go thatana a adn a pkhababayaan iyo a aya rkano marata. Na so Allah i Matao, na skano i di manga tatao. (2:216)
Tatarimaan ami a aya ompongan, lompokan o mga tao a phoon sa giya pagtao (Muslim Ummah) sa aya katawi kiran na Lompokan a Tatabangan (Taifah Mansoorah) na matatatapon so kapakataban (kapthabana) iran ko mga ridoay iran, di siran khamorala-an o pzorang kiran odi na so pthalikod kiran, na kakal siran sa giyangkoto a btad iran.
“Adn dn a lalayon makatitindg a sagorompong phoon ko Ummat akn na kakal siran ko ontol, taman sa maoma so kabaya o Allah na giyoto dn e masosongkad iran -Bukhari 3640, Muslim 1921
“Adn dn a lalayon makatitindg a sagorompong ko mga Ummat, ipuphamamayandgan iran so kabaya o Allah, di siran dn khamoralaan o mga tao a pndadag kiran, manpn so mga tao soranga iran, taman sa maoma so kabaya o Allah na giyoto dn e masosongkad iran. – Bukhari 3641, Muslim 1037
“Adn dn a lalayon makatitindg a sagorompong phoon ko Ummat akn na kakal siran ko ontol, di siran dn khamoralaan o mga tao tomiyaplis kiran taman sa maoma so kabaya o Allah na giyoto dn e masosongkad iran. - Muslim 1920
“Adn dn a lalayon makatitindg a sagorompong phoon ko Ummat akn na kakal siran ko ontol, gii siran makambunoai a mapapadalm siran ko ontol, taman sa maoma so Gawii a Kaphangokom - Muslim 1923
Tatarimaan ami a aya so Ummah na matatago sa sangat a o andai pagonotan iran a sa giya ngkaya pimbarang a ompongan, lompokan, sagorompong – aya kalilid san na so mga sagorompong a ayabo a ikasosowat iran na pd iran so mga olowan, mga katharo nago pamikiran (nainu o kunaba iran aya langon dadabiyatan) – sa giyangkaya a lagid giya ngkaya btad a sangat, na tatarimaan ami a miyapatot ko Ummah so kapangadi-I ko mga ropaan nago dadabiyatan o Taifah Mansoorah, so Lompokan a Makatataban, nago so kipaninindganen kiran sa kapakatan iran, taman sa makatindg so Agama o Allah - ko diyangka a khagaga iran, masa a katitikakaw ago katantowan o btad.
يَا أَيُّهَا الَّذِينَ آمَنُوا إِن تَنصُرُوا اللَّـهَ يَنصُرْكُمْ وَيُثَبِّتْ أَقْدَامَكُمْ
Hay so miyamaratiyaya, o tabangi niyo so (agama o) Allah, na thabangang kano Niyan, go phakabagrn Iyan so manga tindg iyo. (47:7)
يَا أَيُّهَا الَّذِينَ آمَنُوا مَن يَرْتَدَّ مِنكُمْ عَن دِينِهِ فَسَوْفَ يَأْتِي اللَّـهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّـهِ وَلَا يَخَافُونَ لَوْمَةَ لَائِمٍ ۚ ذَٰلِكَ فَضْلُ اللَّـهِ يُؤْتِيهِ مَن يَشَاءُ ۚ وَاللَّـهُ وَاسِعٌ عَلِيمٌ
Hay so miyamaratiyaya, sadn sa mawa rkano ko agama niyan, na zambian dn o Allah sa pagtaw a pkhababayaan Iyan siran go pkhababayaan iran Skaniyan, - a mangangalimbabaan ko miyamaratiyaya, a thtgas ko da pamaratiyaya, a mananagontaman ko lalan o Allah, go da a ikhalk iran a panginsoya o pphanginsoya. Giyoto man so gagaw o Allah, a mibgay Niyan ko taw a kabaya Iyan. Na so Allah na Maginawa, a Matao. (5:54)
Tatarimaan ami a aya piphaporo’an a kasangkop ago kapangongonotan na sii bo ko Allah nago so Rasul (saw) sa sowa-sowat ko Allah, oriyanan na so mga pamikiranon o apiya antawaa a ulama, imam, lompokan o mga “activists” odi na nganin san a lompokan na taralbi a mapuphangdeg, sa o bunar siran na tharimaan, na o ribat siran na di siran tharimaan.
Piyanothol e Ibn Abbas, Mujahid, Imam Malik ago si Imam Ahmad sa langon siran mitharo: “So langon a pandoan o pithanggisaan na khapakay a tarimaan antaa ka di, inontabo so matatago sankaya a qubor (aya mitotoro iyan na so qubor o Muhammad s.a.w.
- as-Subkee in his Fatawaa (1/148), Jaami Bayaan ul-ilm wa Fadlihee (1/91), al-Ihkaam fee Usool il-Ahkaam (1/145) and Masaa-il-ul-Imaam Ahmad (p.276).)
Sa giyayai pphanagontaman ami sa malalayon kami ko kipuphanolonen saya InshaAllah, sadn sa miyaribat miyalbat minioman sa giya ngkanan a mga miyangapapayag na phoon oto ko kaito o sabot nago kalobay ami, na so pman so mapiya on na phoon oto ko Allah (swt)
إِن يَنصُرْكُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ
Amay ka tabangan kano o Allah, na da a makapgs rkano: Na odi kano Niyan tabangi, na antawaa san i makatabang rkano ko oriyan Iyan? Na so bo so Allah, i sarigi o miyamaratiyaya. (3:160)
Izampay ami ko Muslim Ummah – Pithanggisaan antaa ka Sagorompong
Mga Pagari ami nago mga Babai ami khipago-ongowan ami, phanin ami rkano sadn sa khailay odi na khaneg iyo a ribat ko mga katharo, galbk ami a miyakasilay ko Qur’an ago Sunnah o ladiyawan tano a Muhammad (saw), na pakisaboti niyo nago pakaontola niyo rkami – Pangnin ami ko Allah so tolabos a ikhlas a tabang nago mosawir.
Allahumma Ameen Ya Rabb
Miyapanothol a pitharo o Rasul (saw): “So Mu’min na pagalongan o pd iyan a Mu’min” – Abu Dawud
Aya khasabot san “Na so pagalungan na mpphaki ilay nyan rktano so titho a tuladan. Kunaba nyan pukhakorangi so pagalongnon (Rilaan ako o Allah ko kiyaosar akn saya ko gii kambasaa ko kompleto a kiyapangadn iyan). So pagalungan na kunaba aya bo antap iyan na mapakapiya odi na mapakakharata iyan a ginawa tano opama ko salakaw a mapphaki ilay nyan rktano. Aya osto na di phamagakal ago masarig.
Phoon sa Minbar Ansaruddeen
No comments:
Post a Comment